VOV4.Jarai-Lơ 8/3, Khua git gai pơ ala mơnuih ƀôn sang dêh čar, yă Nguyễn Thị Kim Ngân pơsit hơdră jơnum lok 54 mơ̆ng Jơnum min git gai pơ ala mơnuih ƀôn sang dêh čar. Tui hăng anun, him lăng jơnum lơ 15/3. Ƀơi mông jơnum anai, Jơnum min git gai pơ ala mơnuih ƀôn sang dêh čar sem glăi, pơgôp hiăp hră lăi pơthâo pơƀut bruă mă rơwang bruă tal XIV, pơgôp hiăp kơ bruă ruah mơnuih ngă khua pioh kơ ƀing pơ ala mơnuih ƀôn sang dêh čar sem glăi.

Jơnum min git gai pơ ala mơnuih ƀôn sang dêh čar sem glăi tơlơi pơgôp hiăp, hră lăi pơthâo hlâo boh tơhnal krăo lăng bruă pơsir kơđi tơlơi mơnuih ƀôn sang rơkâo đĭ jơnum lok 10, tal XIV; lăi pơthâo pơtum tơlơi pơgôp hiăp, tơlơi rơkâo mơ̆ng mơnuih ƀôn sang mơit kơ jơnum lok 11 tal XIV; pơgôp hiăp bruă prăp lui jơnum lok 11 tal XIV.

Jơnum min git gai pơ ala mơnuih ƀôn sang dêh čar amra pơgôp hiăp nao kơ hră lăi pơthâo hlâo pơhrua nao dơ̆ng boh tơhnal ngă tui akŏ bruă pơđĭ kyar bơwih ƀong huă mơnuih mơnam hăng mă yua prăk kơnuk kơna thun 2020.

Nay Jek: Pơblang