VOV4.Jarai - Rơwang hrơi tơjuh rơgao, Jơnum min pơ ala mơnuih [ôn sang hơdôm bôh tơring ]ar kual Dăp Kơdư hmâo pơphun jơnum rơnu] thun.

Hrom hăng bruă pơsit tơlơi bơwih [ong – mơnuih mơnam, pel e\p lu tơlơi pơtrun pơsit yôm phăn, amăng mông tơ`a, Jơnum min pơ ala mơnuih [ôn sang hơdôm bôh tơring ]ar hmâo lăi nao laih lu tơlơi [u mơ-ak dưi hmâo mơnuih [ôn sang đing nao.

Mông tơ`a amăng Tal jơnum lok 16, tal XI mơng Jơnum min pơ ala mơnuih [ôn sang tơring ]ar Gialai, tơlơi pơđ^ kyar lu hơdôm rơwang bruă apui yua hăng pơsir mrô pil apui tơdơi kơ abih hrơi mă yua jing laih tơlơi dưi hmâo lu mơnuih pơ ala đing nao.

Ơi Phạm Văn Binh, Khua Gơnong bruă s^ mdrô tơring ]ar Gialai brơi thâo, ră anai, tơring ]ar hmâo rơbêh kơ 2000 ring bruă pơke\ apui lơtrik hăng pơ-iă yang hrơi bơbung sang hăng abih bang jua kơtang  206MWp. Pil apui pơke\ hăng pơ-iă yang hrơi ră anai akă dưi yap ayuh sat ôh.

{ơi ro\ng lo\n tơnah, hmâo laih hơdôm bôh sang bruă pơsir pơkra glăi hơdôm hnal hrip pơ-iă yang hrơi. Yua anih năng ai 20 thun dong, lom hơdôm hnal pơke\ pil ha amăng ple\ abih hrơi mă yua thơ, him lăng amra hơdră phrâo amăng lo\n ia ta dưi pơsir abih bang.

Ơi Phạm Văn Binh lăi le\, tơlơi [uh rơđah hloh ră anai le\ ngă hiưm hơpă wai lăng hơdôm rơwang bruă pul apui pơke\ hăng pơ-iă yang hrơi dưm [ơi bơbung sang kiăng ]ơkă mă hơdră gum djru mơng kơnuk kơna:

“Lu anih anom [u hmâo bơbung sang, hmư\ tơlơi bơbung hrip pơ-iă yang hrơi [u dưi pơ ala kơ bơbung sang le\ gơ`u glăi dưm ap bơbung, jing ap bơbung tôl gah yu\ bơbung hnal pơke\ apui.

{ing gơmơi glăk do# tơguan tơlơi pơtô ba mơng Ding jum s^ mdrô kiăng pơphô brơi Jơnum min mơnuih [ôn sang tơring ]ar hăng hơdôm gơnong bruă amra pel e\p, pơtô brơi [ing tuh pơ plai ngă tui djơ\ hơdră pơtrun mơng Kơnuk kơna, hrom hăng anun pơsir tơpă hơdôm tơlơi ngă soh”.

Anih anom Tal jơnum Jơnum min pơ ala mơnuih [ôn sang tơring ]ar Kontum

Tui hăng anun, amăng Tal jơnum Jơnum min pơ ala mơnuih [ôn sang tơring ]ar Daknông tal anai, [ing khua pơ ala Jơnum min pơ ala mơnuih [ôn sang tơring ]ar Daknông lăi le\, dua thun je# hăng anai, mrô tuh pơplai, pơđ^ kyar hơdôm rơwang bruă apui yua pơke\ hăng pơ-iă yang hrơi [ơi tơring ]ar hmâo gluh đ^ laih hăng rơnoh ta` biă.

Khă hnun hai, [irô apăn bruă anai [ơi tơring ]ar hmâo lui raih laih amăng bruă lăng tui, pel e\p bruă tô nao rai sa dua ring bruă pơke\ apui hăng pơ-iă yang hrơi.

Lu rơwang bruă pơkôl tô nao rai lom akă hmâo ring bruă man pơdo\ng, sa dua ring bruă pơkôl tô nao rai samơ\ bôh nik `u akă hmâo anih anom tô nao rai ôh… Ơi Lê Văn Thị, Khua Gơnong bruă s^ mdrô tơring ]ar Daknông brơi thâo, ră anai đơ đam tơring ]ar hmâo giăm truh 450 ring bruă pơke\ apui hăng pơ-iă yang hrơi hăng abih bang jua kơtang rơbêh kơ 70 MWp.

“Tơring ]ar wai lăng akă kơja\p, biă `u le\ [ơi hơdôm bôh plơi pla, lom s^ glăi, blơi s^, lăi le\ s^ blơi jao glăi lo\n kiăng jing blok đang anun tơbiă rai tơlơi anai.

Jơnum min mơnuih [ôn sang tơring ]ar hmâo ]râo ba dong, hăng Gơnong bruă amra gum hrom hăng hơdôm gơnong bruă bơdjơ\ nao kah hăng Gơnong bruă man pơdo\ng, Gơnong bruă đang hmua, Gơnong bruă kông ngăn dlai klô rơhuông adai lo\n mơnai pok pơhai, pel e\p dong, ba tơbiă hơdôm tơlơi phun kiăng ]râo ba pơsir”.

Bơ\ mông tơ`a amăng Tal jơnum lok 11, Jơnum min pơ ala mơnuih [ôn sang tơring ]ar Kontum tal XI lăi nao tơlơi ngă soh tơlơi phiăn Dlai klô lăi đing nao biă.

Thun anai [ơi tơring ]ar hmâo 305 mơta tơlơi ngă soh phiăn dlai klô, mrô mơta ngă soh rơbêh kơ 1.000 met khối kyâu, lo\n dlai răm rai rơbêh kơ 41 ektar.

Ơi Nguyễn Tấn Liêm, Khua Gơnong bruă đang hmua hăng pơđ^ kyar [ôn lan tơring ]ar Kontum brơi thâo, lom hơdôm tơlơi ngă soh phiăn dlai kyâu dưi thâo, tơring ]ar hmâo pơsir tơpă bruă gơgrong hơdôm khul gru\p, mơnuih hmâo bơdjơ\ nao, biă `u bruă mă mơng mơnuih apăn ako#.

Rơđah biă `u amăng thun 2020 hmâo pơsir kơđi tơlơi 29 ]ô mơnuih, amăng anun hmâo 4 ]ô mơnuih khom pơdơi bruă.

Gah bôh than ba truh tơlơi phă dlai, mă kyâu [u djơ\ phiăn do# tui anun, ơi Nguyễn Tấn Liêm lăi mơn, hơdôm ano# tơdu amăng bruă wai lăng:

“Khom lăi le\ gah bôh thâo pơphun, git gai hăng pran jua gơgrong mơng sa dua pô dlai ăt [u pơhlôm mơn, anun pioh hmâo tơlơi phă dlai, mă kyâu, du\ pơgiăng kyâu dlai [u djơ\ phiăn akă dưi pơgăn hmao tlôn.

Bruă wai lăng Kơnuk kơna gah dlai klô [ơi sa dua gong gai gưl să akă kơja\p. Bruă lăi pơhing, pơtrut pơsur mơnuih [ôn sang amăng ngă đang hmua akă na nao, kơja\p hăng kho\p ba truh tơlơi phă dlai klô [u djơ\ phiăn ăt do# mơn”.

Ăt bơdjơ\ nao tơlơi dlai klô hăng lo\n dlai, [ơi tal jơnum rơnu] thun mơng Jơnum min pơ ala mơnuih [ôn sang tơring ]ar Daklak, khua pơ ala Nguyễn Thành Dũng, gru\p khua pơ ala plơi prong Buôn Ma Thuột rơkâo:

“Bơdjơ\ nao truh rơwang bruă bơdjơ\ nao lo\n dlai, truh lon đang kyâu le\ amăng hơdôm thun hlâo adih Jơnum min pơ ala mơnuih [ôn sang hmâo lăng tui hăng ]râo tơbiă lu rơwang bruă [u ba glăi bôh tơhnal hmâo ba tơbiă rơkâo đ^ samơ\ amăng hơdôm hrơi blan sui [ing ta ăt akă hmâo mơn hơdôm hơdră pơtrun pioh pơsir.

Sit `u anai le\ tơlơi prong, tơlơi tơnap bơdjơ\ nao truh lu gưl lu gơnong bruă samơ\ [u djơ\ [ing ta [u pơsir ôh. Kiăng hmâo hơdôm tơlơi pơtrun, jơlan gah, glông bruă pioh pơsir tơlơi anai”.

Khua Jơnum min pơ ala mơnuih [ôn sang tơring ]ar Daklak Y {iêr Niê đ^ pơhiăp pơđut tal jơnum

Tal jơnum anai mơng Jơnum min pơ ala mơnuih [ôn sang tơring ]ar [u ngă tui tơlơi tơ`a hăng lăi glăi tơlơi tơ`a.

Ơi Y {iêr Niê – Khua Jơnum min pơ ala mơnuih [ôn sang tơring ]ar Daklak brơi thâo: hơdôm tơlơi tơ`a hmâo tơhnal plơi pla, lăi hơdôm tơlơi rơđah hăng glăk dưi hmâo hơdôm gơnong bruă pơsir anun Jơnum min pơ ala mơnuih [ôn sang [u ba tơbiă amăng tal jơnum anai mơ\ amra rơkâo hơdôm gơnong bruă lăi glăi [ơi anăp mơnuih [ôn sang

Siu H’ Prăk: Pô pơblang