VOV4.Jarai - Tom brơi lơ 22/3, khua mua mơng Khul apăn bruă Jơnum min wai lăng djŏp djuai ania mơnuih mơnam Việt Nam ngă bruă hơduah tơña, wai lăng bruă ruah khua pơ ala mơnuih ƀon sang dêh čar tal 15 hăng ruah khua pơ ala mơnuih ƀon sang djŏp gưl, rơwang thun 2021-2026 ƀơi tơring čar kon Tum. Mơng bruă sem lăng hră pơ-ar mơng Jơnum min ruah khua tơring čar Kon Tum hăng hơduah ĕp tơlơi hơmâo sit ƀơi tơring glông Đăk Hà, Grup hơduah tơña wai lăng ƀuh, tơring čar Kon Tum prăp lui hlâo djŏp bruă, djŏp hră pơ-ar amăng bruă ruah khua hăng lu hră pơ-ar git gai, črâo bruă mơng tơring čar; gum nao pơtŏp hrăm djŏp hrơi pơkă; hơdôm grup gơgrong bruă ruah khua pơhlôm kơ mrô mơnuih, hrơi mông. Grup khua wai lăng, hơduah tơña mơng Khua apăn bruă Jơnum min djŏp djuai ania mơnuih mơnam Việt Nam pơtă pơtăn kơ tơring čar Kon Tum sa, dua tơlơi aka ƀu djơ̆ kah hăng: sa, dua čô tơbiă anăn ba ruah ăt hơmâo anăn amăng Grup wai lăng bruă ruah khua; čih pơhrua anăn grăt amăng hră čih anăn pô ba ruah mơng khul ling tơhan; bruă ngă tui tơlơi pơkôl pơkă hră pơ-ar jơnum pơčrông sai bruă ruah khua.

Jơnum min wai lăng djŏp djuai ania mơnuih mơnam Việt Nam wai lăng bruă ruah khua ƀơi Kon Tum.

Siu H’Mai: Pơblang