VOV4.Jarai - Hăng tơlơi pơmin pran jua thâo pơpŭ yơh yôm hloh, mơguah tom brơi lơ 26/5, ƀơi pra yang sang čua Quán sứ, Hà Nội, Khul đăo Phơ̆t Việt Nam pơphun tơlơi ngă yang ngui ngor pơdah rup amăng tivi Hrơi Phật đản Phật lịch 2565-Dương lịch 2021. Khua dêh čar ơi Phạm Minh Chính mơ-it bơnga hơơč hmưi. Tơlơi ngă yang hơmâo ƀing khua đăo Chư tôn đức Tăng ni Khul wai lăng tơlơi đăo pơphun hơjăn hăng pơdah pơƀuh amăng tivi pơ kual tam bảo brơi kơ ơi phơ̆t yă yơng dŏ ƀơi sang čua hăng pơdah pơƀuh amăng plang internet mơng Khul đăo phơ̆t Việt Nam hăng pơdah ƀơi plang pơdah rup An Viên kiăng abih bang mơnuih tui đăo phơ̆t amăng dêh čar ta lăng.

Yua klin Covid-19 glăk kơtang, yua hnun abih bang ƀing đăo phơ̆t nao pơhmư̆ lêng kiăo tui tơlơi pơtrun 5K hăng ngă yang kiăo tui pran jua pơpŭ đôč. Khua đăo Thích Đức Thiện, Khua čih pioh, Kơ-iăng khua wai lăng Khul đăo phơ̆t Việt Nam brơi thâo, anai lĕ tơlơi jơnum yôm biă mă, ƀrô djru ƀing tui tơlơi đăo pơdah pran jua pơpŭ kơ ơi Phơ̆t hluai tui bruă mơnơi Phơ̆t, ƀrô pơdah pran jua thâo pap, ƀu-eng, gum pơgô̆p, gum hrŏm hăng Khul đăo phơ̆t Việt Nam, gum hrŏm hăng djuai ania ta dưi pơgang klin.

Siu H’Mai: Pơblang