VOV4.Jarai - Jơnum pơgôp hiăp tal 2 yua kơ Khul khua git gai Jơnum min djop djuai ania mơnuih mơnam Việt Nam pơphun mơguah lơ 18/3 hơmâo tŭ yap hră čih anăn 205 čô khua mua mơng hơdôm anom bruă gơnong dlông amra ruah ngă khua mua pơ ala mơnuih ƀon sang dêh čar tal XV. Bruă lăi pơthâo mơnuih amra ruah ngă khua mua pơ ala mơnuih ƀon sang dêh čar tal XV pơphun ƀiă hrơi mơng lơ 24/2 truh pơ lơ 14/3 laih rơgao. Hăng pran mă bruă tơpă, lăp djơ̆, hơdôm anom bruă, khul grup gơnong dlông hơmâo pơphun djơ̆, djop hơdôm črăn lăi pơthâo ƀing mơnuih amra ruah ngă khua mua pơ ala mơnuih ƀon sang dêh čar tal XV.

Hơmâo 205 čô amăng mrô 205 čô hơmâo lăi pơthâo kiăng kơ ruah ngă khua mua pơ ala mơnuih ƀon sang dêh čar tal XV lêng kơ hơmâo 100% mơnuih ƀon sang đăo gơnang ruah đĭ. Mơng mrô 205 čô mơnuih mơng hơdôm anom bruă, khul grup gơnong dlông amra ruah ngă khua mua pơ ala mơnuih ƀon sang tal XV, ƀing khua mua nao jơnum hơmâo tơlơi pơgôp hiăp tơpă kiăng kơ lăi nao bruă ruah ƀing khua mua pơ ala mơnuih ƀon sang. Amăng mông jơnum pơgôp hiăp, 100% mrô ding kơnba Khul khua git gai Jơnum min djop djuai ania mơnuih mơnam Việt Nam hơmâo dong yua, tŭ yap 205 mrô mơnuih mơng hơdôm anom bruă amra ruah ngă khua mua pơ ala mơnuih ƀon sang dêh čar tal XV.

Siu Đoan: Pơblang