VOV4.Jarai - Rơgao rơbêh kơ 1 thun ngă tui hơdră pơtrun mơng Ding jum kông ang kơ bruă pơpha kông ang sit nik nao mă bruă [ơi să, khul kông ang să [ơi tơring ]ar Daknông hmâo ngă tui laih bruă phun pơhlôm rơnuk rơnua hơđong, pơgang pơgăn [ing ngă soh, djă pioh hơđong mơng plơi pla. Dong mơng blan 12 anai, Kông ang tơring ]ar Daknông pok pơhai dong kơ]a\o bruă “Kâo ngă kông ang să”, pơjing tơlơi pơplih kơtang, dơlăm hloh dong amăng pơdo\ng khul kông ang să sit nik, djơ\ hăng hơdôm tơlơi kiăng amăng rơnuk phrâo anai.

Kông ang tơring glông Dak Mil le\ anom blung a mơng tơring ]ar Daknông ngă giong bruă git gai kông ang sit nik gơgrong bruă kông ang [ơi abih bang 9 bôh să mơng blan 7/2009 mơtăm. Khul kông ang sit nik nao pơ\ să mă bruă ta` ngă tui laih bôh thâo bruă mă, pơhlôm klă rơnuk rơnua hơđong, dưi hmâo gưl ping gah, gong gai hơdôm gưl ]ih djă pioh, mơnuih [ôn sang đăo gơnang. Ơi Trần Xuân Toan, [ơi să guai lo\n ia Dak Lao, tơring glông Dak Mil brơi thâo:

“{ing kông ang sit nik mă bruă [ơi să le\ tơlơi rơnuk rơnua hơđong dưi pơhlôm kơja\p rơđah biă, hmâo bruă hơget [ing gơmơi iâu telephone thơ [ing kông ang [uh [o# mơtăm, pơsir hmao tlôn mơtăm. Kah hăng bruă sa dua ]ô mơnuih juăt mơ`um tơpai asơi ngui ngor le\ hmâo pơplih rơđah rơđông biă. Dua le\ pơsir hơdôm hră pơ-ar, [ing gơ`u mă bruă klă biă, pơsir ta` rơguăt, [u ngă gun kơ mơnuih [ôn sang ôh”.

Kông ang să Dak Mil je# giăm hăng mơnuih [ôn sang, kơtưn pơgang amăng bơyan pe\ kơ phê

Tui hăng ơi Thái Quang Cường, Khua Jơnum min mơnuih [ôn sang să Đức Mạnh tơring glông Dak Mil, tơlơi juăt bruă pơdah mơtăm mơng bruă mă, ]ơkă jum, kơnuih mă bruă, pơsir kơđi tơlơi… mơng khul kông ang sit nik nao mă bruă pơ\ să hmâo pơjing laih tơlơi đăo gơnang amăng mơnuih [ôn sang:

“Bruă mă [ing kông ang sit nik nao mă bruă [ơi să, bruă mă dưi kơja\p đ^, hơde] hmar, anun bôh tơhnal pơhlôm rơnuk rơnua ba glăi bôh tơhnal hloh”.

Kông ang sit nik nao mă bruă [ơi să ta` ngă tui ba glăi bôh tơhnal, tui hăng Thượng tá Đinh Văn Hiếu, Kơ-iăng Khua Kông ang tơring glông Dak Mil, khul ping gah hăng khua mua kông ang tơring glông hmâo kơsem min to\ng ten rim anih anom ăt kah hăng bôh thâo bruă mă mơng rim mơnuih apăn bruă kiăng pơpha bruă nao pơ\ să kiăng kơ djơ\. 1 thun rơgao, kông ang să hmâo ngă klă laih bruă phun amăng pơhlôm rơnuk rơnua hơđong mơng plơi pla mơtăm, djru ngă tui hơdôm bruă mơng gơnong bruă kông ang ba glăi bôh tơhnal prong. Rơđah biă `u le\ mrô mơta tơlơi ngă soh hình sự [ơi Dak Mil hro\ trun giăm truh 10% bơhmu hăng thun hlâo, mơnuih [ôn sang gơgrong pô jao no#p glăi rơbêh kơ 100 [e\ phao djop mơta…:

“Pok pơhai ako# bruă anai le\ [ing gơmơi pơsit pha ra kơ bruă hrưn đ^ pơgang pơgăn [ing ngă soh le\ [ing ta hmâo gơgrong laih, amăng sa thun rơgao ba glăi bôh tơhnal biă, dưi hmâo mơnuih [ôn sang do\ng yua, djru gum khul kông ang. Biă `u le\ tơring glông Dak Mil hmâo 2 bôh să guai lo\n ia hăng rơbêh kơ 45 km jơlan guai lo\n le\ tơlơi gum hrom hăng khul pơgang guai lo\n ia hăng khul kông ang să ăt kah hăng hmâo tơlơi ]râo ba mơng kông ang tơring glông mơn, ngă tui ba glăi bôh tơhnal laih [ơi glông guai lo\n ia, [uh rơđah hloh le\ tal pơgang pơgăn Covid-19 phrâo rơgao”.

Sa thun rơgao, kông ang Daknông hmâo pơsur mơnuih [ôn sang jao no#p hơdôm rơtuh [e\ phao djop mơta

Amăng sa thun rơgao, Kông ang Daknông hmâo ba nao laih mơnuih apăn bruă nao mă bruă pơ\ să [ơi abih bang 60 bôh să amăng tơring ]ar. Kiăo tui anun, rim să dưi pơpha [ia\ biă mă `u 6 ]ô kông ang sit nik, hơdôm să phun kơ tơlơi rơnuk rơnua hơđong amra pơpha truh 10 ]ô mơnuih. Khă do# mơn lu tơlơi tơnap kơ anih anom, gơnam mă yua, anih hyu mă bruă, khul kông ang să sit nik hmâo ngă tui ba glăi bôh tơhnal pơgang pơgăn [ing ngă soh [ơi plơi pla, pơgang tơlơi hơd^p mơda hơđong, dưi hmâo hơdôm gưl hơdôm gơnong bruă pơsit yôm, mơnuih [ôn sang đăo gơnang.

Dong mơng ako# blan 12/2020, Kông ang tơring ]ar Daknông pok pơhai kơ]a\o bruă kơtưn ba nao mơnuih mă bruă [ơi hơdôm bôh anom gah gưl tơring ]ar nao mă bruă [ơi să (iâu pơ[u\t glăi le\ kơ]a\o bruă “Kâo ngă kông ang să”. Anai le\ kơ]a\o bruă ha jăn mơng Kông ang Daknông, kiăng ngă pơplih kơtang, dơlăm hloh hăng tơlơi kiăng, bruă pơdo\ng khul kông ang să sit nik. Đại tá Hồ Văn Mười, Khua Kông ang tơring ]ar Daknông brơi thâo, kơ]a\o bruă dưi pok pơhai ngă lu tal, rim tal năng ai `u 100 ]ô mơnuih mă bruă kông ang să amăng rơwang mơng 15 truh kơ 30 hrơi. Tơlơi anai kiăng pơđ^ tui tơlơi pơmin bruă mă mơng kông ang să, kơtưn pơtô ba djru gum bruă mă, ngă tui ba glăi bôh tơhnal bruă kông ang [ơi anom bruă, hrom hăng anun djru pơhra\m bruă mă, bo\ng glăi hăng bôh nik kơ hơdôm mơnuih apăn bruă. Đại tá Hồ Văn Mười, lăi pơhing rơđah hloh:

“Sit nik pok pơhai kơ]a\o bruă “Kâo ngă kông ang să” le\ hlâo kơ anun Gru\p khua mua kông ang tơring ]ar hmâo pơsit iâu pơ[u\t hăng pơkiăo nao 120 ]ô kông ang nao pơ\ să, [ơi anăp đing nao djru kông ang să kơ ako# bruă hyu pơhrui mă tơlơi pơhing mơnuih [ôn sang do# hăng hră ka\n kươk mơnuih [ôn sang. {ing gơmơi hmâo pơsit mă tu\ tơlơi găn rơgao `u sit nik ba glăi bôh tơhnal biă. Yua anun mơ\ ră anai [ing gơmơi glăk pok pơhai năng ia `u 100 ]ô mơnuih dong nao mă bruă pơ\ să. Hăng tơdơi kơ rim tal [ing gơmơi leng kơ pơsit mă tu\ tơlơi găn rơgao hơdôm tơlơi hơget dưi ngă hăng akă dưi ngă, hơdôm tơlơi do# glăi kiăng pơsir, ngă hiưm hơpă kơ]a\o bruă anai sit nik tu\ yua amăng tơlơi hơd^p mơda”.

Đại tá Hồ Văn Mười, Khua kông ang tơring ]ar Daknông pơhiăp amăng mông ngă lơphet pok pơhai kơ]a\o bruă “Kâo ngă kông ang să”        

Hơdôm tơlơi pơplih klă gah rơnuk rơnua hơđong [ơi plơi pla Daknông brơi [uh, bruă ba kông ang sit nik nao mă bruă [ơi să le\ hơdră pơtrun djơ\ hăng hmao tlôn, pơđ^ tui abih bang hơdôm mơta bruă mă, pơhlôm rơnuk rơnua hơđong mơng plơi pla. Khul kông ang să sit nik hăng bruă kơđi ]ar kơja\p, bruă mă hơde] hmar, abih pran jua gơgrong djơ\ hăng tơlơi kiăng amăng rơnuk phrâo, sit nik anih gơnang mơng gưl ping gah, gong gai hăng mơnuih [ôn sang Daknông./.

Minh Huệ: Pô ]ih – Siu H’ Prăk: Pô pơblang