VOV4.Jarai-Khua anom pơtô mơnuih ƀôn sang mơ̆ng Ping gah dêh čar, yă Trương Thị Mai hrŏm hăng grup khua mua pơ ala ƀơi Lâm Đồng, nao bưp mơnuih ƀôn sang tơring glông Dam Rông hăng Lâm Hà.

Mơnuih ruah khua 2 boh tơring glông lăng yom biă mă bruă mă mơ̆ng grup khua mua pơ ala mơnuih ƀôn sang ƀơi Lâm Đồng tal 14. Mơnuih ƀôn sang ruah khua čang rơmang tal ngă bruă phrâo pơ anăp, Grup khua mua pơ ala mơnuih ƀôn sang ƀơi Lâm Đồng ăt hơmâo lu bruă pơtrut tui pơkă hnong pơđĭ kyar bơwih ƀong huă mơnuih mơnam amăng dêh čar hăng amăng tơring čar hnun mơ̆n.

Mơnuih ƀôn sang ruah khua čang rơmang ƀing pơ ala mơnuih ƀôn sang, kơnuk kơna đing nao hloh tuh pơ alin čuk pơkra jơlan prang mrô 27, yua răm kơtang đơi, kiăng ngă gêh gal kơ mơnuih ƀôn sang rô nao rai; djru jơlan hơdră kơ bruă ia jrao….

Hơdôm boh yom phun tơlơi dưi kơ khua mua pơ ala mơnuih ƀôn sang dêh čar, kơnuk kơna dêh čar lĕ yă Trương Thị Mai-Khua anom pơtô mơnuih ƀôn sang ping gah dêh čar čih pioh, lăi pơthâo tong ten hăng pơsir lăp djơ̆, tui hăng tơlơi kiăng mơ̆ng mơnuih ruah khua hăng mơnuih ƀôn sang ăt kar kăi mơ̆n.

Nay Jek: Pơblang