VOV4.Jarai - Bruă jơnum mơng Khua dêh ]ar hăng hơdôm mơnuih bơwih [ong kiăng pơtlaih tơnap tap pơtrut bơwih [ong s^ mdrô, pơphun glăi bruă bơwih [ong hmâo pơphun amăng rơnu] rơwang hrơi tơjuh rơgao.

Jơnum dưi pơphun tui hơdră pơdah tui tlôn amăng tivi, hăng tơlơi gum hrom mơng năng ai `u 900 rơbâo ]ô mơnuih [ơi hơdôm bôh anih tô nao rai.

Khua dêh ]ar lăi rơđah, anai [u djơ\ bruă jơnum lăi tơnap lăi kơ[ah ôh mơ\ anai jing mông pioh pơtrut sa pran jua khăp kơ lo\n ia, “hmâo pran gơgrong kah jing” mơng djuai ania Việt Nam anăp nao amăng rơwang phrâo.

Bruă jơnum dưi pơphun pơdah tui tlôn [ơi tivi hăng hơdôm anih tô nao rai phun le\ phun `u [ơi [irô mă bruă Kơnuk kơna, [ôn prong Hồ Chí Minh, [ôn prong Hà Nội, Đà Nẵng.

Amăng mông jơnum, Ding jum kơ]a\o bruă hăng tuh pơ plai hăng hơdôm ding jum, gơnong bruă hmâo hơdôm tơlơi lăi pơthâo glăi kơ hơdôm jơlan gah djru anom bơwih [ong; hơdôm tơlơi pơblang mơng hơdôm bôh anom bơwih [ong, khul bơwih [ong wot amăng lo\n ia hăng pơ\ dêh ]ar ta] rơngiao. Hơdôm bôh anom bơwih [ong gum hrom [ơi hơdôm anih phun tô nao rai [ơi tivi anai.

Khua dêh ]ar ta ơi Nguyễn Xuân Phúc lăi rơđah, anom bơwih [ong, mơnuih [ôn sang hmâo bruă mă yôm phăn amăng pơđ^ kyar, pơsir bruă mă, pơtô glăi bôh thâo măi mok. Bruă đing nao pơđ^ kyar anom bơwih [ong le\ hơdră pơtrun prong mơng Ping gah, Kơnuk kơna ta.

Khua dêh ]ar ta ]ang rơmang hơdôm bôh anom bơwih [ong, khua pơ ala nao pơhmư\ gum lăi pơthâo hăng Kơnuk kơna kơ hơdôm jơlan pơsir pơtrut pơđ^ kyar, yak rơgao tơlơi tơnap [u djơ\ lăi đ^ tơlơi tơnap tap ôh:

“Sa pran jua tui anun [u djơ\ kâo tơnap tap tui anai ôh, kâo rơkâo tui adih ôh. Bruă anun hơdôm ding jum khom gum hrom ngă, hơdôm bôh tơring ]ar, [ôn prong khom pơtlaih [ơi anăp kơ anom bơwih [ong.

Sa pran jua pơplih phrâo pơtrut pơđ^ kyar lom [ing ta bưp tơnap tap. Sa pran jua khin pơmin, khin ngă, khin gơgrong, pran jua pơplih phrâo, dăp glăi amăng pơđ^ kyar.

Sa pran jua gơnang kơ anom s^ mdrô prong hloh 100 klăk ]ô mơnuih [ôn sang. Sa pran jua pơtrut kơtang bruă s^ gơnam kơ dêh ]ar ta] rơngiao.

Hăng sa tơlơi pơmin yôm phăn mơ\ mơnuih [ôn sang kiăng hmư\, anun le\ [u pơplih phrâo kơđi tơlơi hơdôm bruă bơwih [ong hăng mơnuih [ôn sang.

{u pel e\p, ngă tui djơ\ Tơlơi ]râo ba mrô 20 mơng Khua dêh ]ar.

Samơ\ tơdah ngă soh tơlơi phiăn, hưp [ong kông ngăn, kah hăng CDC Hà Nội phrâo rơgao le\ khom pơsir.”

Khua dêh ]ar ]ang rơmang bruă jơnum pơtrut sa pran jua hơkru\, khăp kơ lo\n ia mơng mơnuih [ôn sang hăng anom bơwih [ong, biă `u amăng mông đơ đam lo\n ia ta phrâo hơdor glăi hrơi tlaih rơngai lơ 30/4/1975, tlaih rơngai kual Dơnung dêh ]ar, pơlir hơbit lo\n ia.

Bruă jơnum anai ăt pơsit mơn hăng ro\ng lo\n tơnah [uh le\ Việt Nam pơsit pran jua amăng anih anom phrâo, tơlơi pơkă phrâo kiăng ngă brơi lo\n ia hrưn đ^:

“Bruă jơnum hmâo bôh tu\ yua yôm phăn, anun le\ pran jua khăp kơ lo\n ia mơng mơnuih [ôn sang hăng anom bơwih [ong pioh kơ pơđ^ kyar lo\n ia.

Sa pran jua pơsit dăp glăi hơdră đ^ kyar, ba glăi bôh tơhnal pơđ^ kyar, ngă tui hơdôm noa yôm phrâo rơwang rơnu] Covid-19.

Jơnum tal anai khom dưi pơdah tơtlaih ano# tơnap tap kiăng đ^ kyar hăng tơlơi gơgrong anun, rơngiao kơ hrưn đ^ khop, gơgrong hlâo mơng drơi pô anom bơwih [ong hăng mơnuih [ôn sang le\ bruă gơgrong mơng [irô Kơnuk kơna, hơdôm gưl, gơnong bruă yôm phăn biă.

Kiăng đing nao hloh dong kiăng tơtlaih ano# tơnap kơ anom bơwih [ong, hmâo pran đăo gơnang hăng tơlơi kiăng pioh pơđ^ kyar.”

Hlâo kơ anun, Khua dêh ]ar ]râo ba hơdôm ding jum, gơnong bruă, bruă prăp lui khom lu mơta, hmâo ako# tlôn, kơja\p, pơpu\ mơnuih hmư\, hơdôm tơlơi đ^ pơhiăp klă, hmâo jơlan gah ako# pơdo\ng, kiăng tơdơi kơ bruă jơnum anai, Khua dêh ]ar amra mă yua Tơlơi pơtrun pơsit, [udah jơlan hơdră bruă mă mơng Kơnuk kơna.

Amăng tơlơi lăi pơthâo glăi mơng hơdôm ding jum, gơnong bruă, Khua dêh ]ar rơkâo khom rơđah rơđông, klă kơja\p, biă `u le\ khom lăi rơđah hơdôm tơlơi gum djru hơpă pơkon pioh kơ anom bơwih [ong pơ ala kơnong kơ pơhiăp “abih bang tơlơi thâo laih”.

Kiăo tui anun, khom lăi hơdôm jơlan pơsir phrâo bruă s^ mdrô, mơnuih mă bruă, mă jia, prăk apah ngă hră pơ-ar, tơlơi rơnuk rơnua plơi pla pơhlôm…

Gah bruă lăi pơhing, Khua dêh ]ar ta jao kơ Ding jum wai lăng tơlơi pơhing hăng pôr pơhing pok ]ra\n hơdră tơ`a lăi glăi [udah pơtlaih tơnap kơ anom bơwih [ong hluai tui sa dua bôh [irô ]ih tơlơi pơhing phrâo; kiăng lăi pơhing dong kơ gru ba jơlan hlâo yak rơgao tơlơi tơnap mơng mơnuih [ôn sang hăng anom bơwih [ong.

Khua dêh ]ar brơi thâo, hmâo hơdôm bôh anom bơwih [ong mơnuih mơnam mơng ling tơhan rơka ruă, [u klă drơi jăn samơ\ ăt glăk gir run djă pioh mơnuih mă bruă le\, hơdôm bôh anom pơkon ăt khom hmâo pran jua djă pioh mơnuih mă bruă pơ ala kơ brơi pơdơi bruă.

Lăi rơđah akă [u [uh ôh Kơnuk kơna pơphun sa bruă jơnum pơdah tui tlôn [ơi tivi prong tui anun, Khua dêh ]ar pơsit kiăng pơdah đ^ sa pran jua “hmâo pran gơgrong kah jing” mơng mơnuih Việt Nam [ing ta, yak rơgao tơnap tap, tơlơi lông, yak nao amăng rơwang phrâo. Biă `u lom tơhnal gal truh lom lo\n ia [ơ [rư\ tơtlaih mơng Covid-19./.

Siu H’ Prăk: Pô ]ih pơblang