VOV4.Jarai-Tŭ ư tơlơi jak iâu jơnum hrom mơ̆ng Khua mir sir dêh čar Hàn Quốc, ơi Moon Jae In, hrơi anai, lơ 31/5, ơi Phạm Minh Chính, Khua dêh čar ta nao jơnum hrom khua mua pơprong ngă hrom pơđĭ kyar hơdjă mơtah mơda hăng Tơhnal pơkă đơ đam rŏng lŏn tơnah truh thun 2030 iâu klah čun P4G, jơnum lăng nao rai amăng tivi.

Khua dêh čar ơi Phạm Minh Chính

Jơnum anai, pơtong glăi boh tŭ yua yôm amăng hrơi blan bong glăi anŏ bơblih ayuh hyiăng lŏn tơnah laih anun rŭ glăi hơdră pơđĭ kyar hơdjă mơtah mơda jing bruă khom ngă mơ̆ng djop dêh čar.

Anai lĕ, jơnum khua mua pơprong ngă hrom kơtưn pơđĭ kyar mơtah mơda hăng Tơhnal pơkă kơ rong lŏn tơnah jơnum tal dua. Jơnum hơmâo 60 čô khua mua, mơ̆ng lu dêh čar, jơnum thun anai pơtum lăi nao boh yôm phun ngă hrom amăng jar kmar, amăng anun lu dêh čar ngă ding kơna djru prăk kăk, djop anom bruă ƀơi jar kmar, sang bruă sĭ mơdrô hăng mơnuih ƀôn sang pơphun ngă tui lu kơčăo bruă.

Tơhnal pơkă djru kơ hơdôm dêh čar hlăk pơđĭ kyar dŏ tơdu amăng bruă bong glăi hăng anŏ ngă dơluh đĭ asăp djah ngă rơpih hĭ anŏ gôm mơ̆ng pơ-iă yang hrơi adai rơngit.

Nay Jek: Pơblang