VOV4.Jarai-Mơguah lơ 2/3, ơi Nguyễn Xuân Phúc Khua dêh čar git gai, Kơnuk kơna jơnum lok blan 2 thun 2021. Ƀơi mông jơnum anai, ƀing ding kơna amăng Kơnuk kơna pơčrông sai kơ bruă pơhrua nao dơ̆ng boh tơhnal akŏ bruă bơwih ƀong huă mơnuih mơnam thun 2020 hăng tơlơi pơhing pok pơhai akŏ bruă thun 2021; boh tơhnal ngă tui ming pơkra glăi akŏ bruă tuh pơ alin hăng rơnoh prăk mơ̆ng dêh čar thun 2020 kơplah wah hơdôm ding jum, anom bruă ƀơi dêh čar; Lăi pơthâo tơlơi pơhing klin hơđuh glăi tal klâo Covid 19.

Kơnuk kơna git gai kơtang hloh hăng hơdră ngă hmar laih anun kjăp kiăng hơduah ĕp tui kru mơnuih jĕ giăm hăng pô ƀă klin, ĕp lăng bruă ngă tui, anŏ gưt hiăp tơlơi pơtrun mơ̆ng kơnuk kơna amăng mơnuih ƀôn sang.

ua dêh čar ơi Nguyễn Xuân Phúc lăi rơđah, Kơnuk kơna amra mă yua prăk dêh čar pioh blơi ia jrao vaccine pơhlôm klin Covid 19 dưi djop tlâ̆o pơgang kơ mơnuih ƀôn sang amăng dêh čar. Khua dêh čar pơtrun hiăp kơ Ding jum ia jrao tañ pok pơhai bruă tlâ̆o ia jrao pơgang kơ mơnuih ƀôn sang.

Nay Jek: Pơblang