VOV4.Jarai-Tlam mơmŏt lơ 24/3, Khua dêh čar ơi Nguyễn Xuân Phúc hơmâo pơhiăp telephôn bơkơtuai hăng Khua mir sir dêh čar Chile, yă Sebastian Piñera pioh pơčrông sai anăp ngă bruă hăng hơdră ngă tum teč kiăng kơtưn ngă pŭ ƀăn rô nao rai dua bơnah Việt Nam-Chile.

Khua dêh čar ơi Nguyễn Xuân Phúc pơhiăp telephôn hăng

Khua mir sir Chile

Khua dêh čar ơi Nguyễn Xuân Phúc lăng yom biă mă tơlơi ngă giăng mah Việt Nam-Chile dưi ba glăi boh tơhnal pơđĭ kyar tơdơi kơ 50 thun hăng lăi pơtong Việt Nam čang rơmang ăt ngă dơlăm tui hloh tơlơi ngă giăng mah dua bơnah dêh čar, boh nik ñu gah tơlơi bơwih ƀong huă, sĭ mơdrô hăng tuh pơ alin. Khua mir sir Chile yă Sebastian Piñera pơdah pran jua, Chile lăng yôm bruă ngă pŭ ƀăn yom phăn hăng Việt Nam, lăng yom tơlơi gir run mơ̆ng kơnuk kơna Việt Nam bong glăi hăng klin Covid 19 laih anun djă hnong pơđĭ kyar bơwih ƀong huă.

Dua bơnah khua mua hơmâo tŭ ư hơdôm bruă ngă hrom hơmâo mơ̆ng hlâo laih hăng gŏp ngă hrom kjăp hloh pơ anăp anai, hơmâo tom bruă djă hnong bruă bưp nao rai khua mua pơprong, pok pơhai tŭ yua hăng ngă tui na nao bruă ngă hrom sĭ mơdrô lu bơnah hăng kual bơwih ƀong huă ƀơi rŏng lŏn tơnah hlăk bơbeč djơ̆ kơtang mơ̆ng klin Covid 19.

Nay Jek: Pơblang