VOV4.Jarai-Tlam lơ 23/3, ƀơi sang bruă kơnuk kơna, ơi Nguyễn Xuân Phúc, Khua dêh čar git gai mông jơnum hăng Khua Khul čih pơkra hơdrôm hră ră ruai gru phun kơnuk kơna Việt Nam. Gơnam pơkra rai jing Hơdrôm hră ră ruai gru phun Kơnuk kơna Việt Nam lĕ, hơmâo dŏp hơdrôm hră, rup hăng phim, Ding jum Bruă čar, anom bruă git gai phun mơ̆ng Khul čih pơkra brơi thâo, hơdrôm hră hơmâo 4 sŏp, črăn ră ruai glăi klah čun abih bang hăng Hơdrôm hră gru phun Kơnuk kơna Việt Nam dơ̆ng mơ̆ng thun 1945 truh thun 2015, him lăng khom ngă giong amăng thun 2021.

Khua dêh čar ơi Nguyễn Xuân Phúc brơi thâo, anai lĕ hơdrôm hră gru phun yom biă mă, kiăng pok pơhai čih pơkra tong ten, tum teč. Tơdơi kơ hơmâo kơnuk kơna ƀudah ding kơna phrâo, wŏt hăng ƀing khua mua pơdơi abih thun bruă hai, Ding jum bruă čar khom lăi pơthâo djop, pơhrua tum anăn ƀing bơblih anih mă bruă djơ̆ hăng tơhnal pơtrun, jao ngă djơ̆ hrơi blan pơkă.

Nay Jek: Pơblang