VOV4.Jarai - Anom bruă Kơnuk kơna phrâo hmâo Tơlơi lăi pơthâo klah čun mơng Khua dêh čar ơi Phạm Minh Chính (mrô 133 lơ 29/5/2021) ƀơi mông jơnum kơ tơlơi, bôh tơhnal bruă mă hăng hơdôm tơlơi dô̆ glăi kiăng đing nao črâo ba mơng Ding jum sĭ mơdrô. Amăng hơdôm tơlơi kiăng ječ hmâo bruă apui lơtrik. Kiăo tui anun, Khua dêh čar ta jao kơ Kơ-iăng Khua dêh čar ơi Lê Văn Thành đing nao črâo ba, pel ĕp glăi tŏng ten bôh yôm Pơkă apui lơtrik 8 pơhlôm djơ̆ hăng bôh nik hmâo, lăng bôh tŭ yua lŏn ia hăng djuai ania dlông hloh, blung hlâo, biă ñu đing nao truh kơdŏng tơlơi ƀu klă amăng čih pơkra hơdră bruă, hlơi ngă soh khom pơsir tơpă tui tơlơi pơkă mơng Ping gah hăng hơdră bruă tơlơi phiăn Kơnuk kơna. Amăng anun kiăng đing nao kơsem min pơblang tŏng ten nua apui lơtrik; Bruă ngă dưm kơnar djơ̆ rơ-oa hơdră pơkă anih anom pơkĕ apui (kah hăng drai ia pơkĕ apui, apui ayuh, apui mă mơng pơ-iă yang hrơi, angin) hăng pơhlôm djơ̆ kơplah wah hơdôm kual, anih anom bĕ ngă khưi khai apui./.

Siu H’ Prăk: Pô pơblang