VOV4.Jarai - Keh prăk vaccine pơgang Covid-19 hmâo sit nik lăi pơthâo hăng tơhnal iâu pơhrui djop ngăn rơnoh gum hrom ha amăng plĕ hăng Gong gai dêh čar kiăng hmâo vaccine tañ tlâ̆o brơi mơnuih ƀôn sang. Pơhiăp amăng mông ngă lơphet lăi pơthâo Khua dêh čar ta ơi Phạm Minh Chính hmâo lăi lĕ: “Anai lĕ keh prăk mơng tơlơi khăp păp, mơng pran jua gum hrom hơbit, mơng tơlơi đăo gơnang, mơng hơtai bôh tô nao rai hơtai bôh kiăng ƀing ta gum hrom yak rơgao tơnap, djru ƀơ ƀiă pơjing sa Việt Nam dưi amăng bruă pơgăn klin”.

Tui hăng mrô ngă dưm kơnar ngăn rơnoh kiăng blơi hăng tlâ̆o vaccine brơi 75 klăk čô mơnuih ƀôn sang, Việt Nam kiăng hmâo 150 klăk liều vaccine, hăng prăk mă yua rơbêh kơ 25 rơbâo klai prăk. Yua anun, kiăng hmâo djop prăk blơi vaccine pơgang kơ mơnuih ƀôn sang tui tơhnal ba tơbiă. Bruă pơdŏng Keh prăk vaccine pơgang Covid-19 kiăng iâu pơthưr neh wa, ling tơhan đơ đam dêh čar, mơnuih dêh čar ta pơ̆ dêh čar tač rơngiao, hơdôm bôh anom bơwih ƀong, mơnuih bơwih ƀong, djop khul grŭp, mơnuih amăng lŏn ia ta hăng pơ̆ dêh čar tač rơngiao rŏng gum hrom gum pơčruh, gum djru kơ Keh prăk vaccine pơgang klin Covid-19 hăng pran jua hăng gơgrong yua kơ tơlơi suaih pral rim mơnuih, yua kơ plơi pla, yua kơ lŏn ia, djuai ania hăng pran jua gum hrom hơbit jar kơmar, gum rơngan hrom pơtrut kơdun klin kheng./.

Siu H’ Prăk: Pô pơblang