VOV4.Jarai - Tlam lơ 22/3, ƀơi Ƀirô Kơnuk kơna, Khul pơplông - pơpŭ bơni dêh čar hơmâo pơphun jơnum tui tơđar tui tơlơi git gai mơng Khua dêh čar ta ơi Nguyễn Xuân Phúc, Khua git gai khul. Đĭ pơhiăp amăng mông jơnum, Khua dêh čar ta ơi Nguyễn Xuân Phúc pơsit, amăng thun blan dêh čar glăk bưp tơnap tap, bruă pơplông, pơpŭ bơni hơmâo lu tơlơi pơplih, thâo pơčeh phrâo, djơ̆ hăng bruă jao.

Khua dêh čar ta ơi Nguyễn Xuân Phúc đĭ pơhiăp amăng mông jơnum

Pơ anăp anai, Khua dêh čar ta rơkâo pơphun bruă pơplông djơ̆ hăng tơlơi sit nik, tŭ yua, kiăo tui tơlơi črâo trun, tơlơi git gai mơng Khua git gai Ping gah, Khua mir sir dêh čar ta hăng 5 mơta amăng bruă pơplông yua kơ Khua dêh čar ta pơtrun amăng Jơnum pơplông khăp kơ lŏn ia đơ đam dêh čar tal X. Khua dêh čar ta ăt rơkâo pơtrut bruă pơtô pơblang, pok prong bruă pơplông djơ̆ hăng tơlơi sit nik, tŭ yua, hơdôm hơbô̆ bruă, bruă mă klă, mơnuih ba gru hiam. Pơphun bruă pơpŭ bơni djơ̆ hăng tơlơi pơkă, lăp djơ̆, rơđah rơđông. Tal pơplông hăng pơpŭ bơni anăp nao ƀon lan.

Siu Đoan: Pơblang