VOV4.Jarai - Mơguah tom brơi (18/3), ƀơi Hà Nội, Grŭp črâo bruă pơgang pơgăn hưp ƀong kông ngăn dêh čar ta hmâo pơphun bruă Jơnum gah yŭ tơlơi git gai mơng Khua git gai Ping gah, Khua mir sir dêh čar ta ơi Nguyễn Phú Trọng, Khua Grŭp črâo bruă pioh bơkơtuai, gum pơhiăp črâo ba pơsir hăng sa dua mơta kơđi tơlơi gah Grŭp črâo bruă lăng tui, črâo bruă mơng tơdơi kơ mông jơnum lok 19 truh ră anai. Gah bruă mă pơ̆ anăp anai, Khua git gai Ping gah, Khua mir sir dêh čar ta tŭ ư hrom hăng hơdôm tơlơi gum pơhiăp mơng ding kơna Grŭp črâo bruă, rơkâo hơdôm gưl Ping gah, khul grŭp Ping gah pơtrut kơtang dong bruă pơgang, pơgăn hưp ƀong kông ngăn hăng pran pơsit bruă kơđi čar dlông hloh, bruă ngă kơtang hloh, khop hloh, ba glăi bôh tơhnal hloh; khom pơphun khop, gir run, na nao. Khua git gai Ping gah, Khua mir sir dêh čar ta rơkâo grŭp ƀơi anăp tŭ mă hơdôm tơlơi gum pơhiăp mơng ding kơna Grŭp črâo bruă pơhrua nao dong, ngă giong hĭ tơlơi lăi pơthâo glăi; đăo gơnang hăng hơdôm bôh tơhnal dưi hmâo amra pơjing dong pran jua phrâo, tơlơi đăo gơnang phrâo hăng pơsit pran jua dlông hloh dong amăng abih bang ping gah, abih bang mơnuih ƀôn sang ngă klă dong bruă pơgang, pơgăn hưp ƀong kông ngăn pơ̆ anăp anai./.

Siu H’ Prăk: Pô pơblang