VOV4.Jarai - Tom brơi (22/3), khua git gai Ping gah, Khua mir sir dêh čar ta ơi Nguyễn Phú Trọng hơmâo mông pơhiăp telephôn hăng Khua git gai Ping gah Dân chủ Tự do, Khua dêh čar Japan ơi Yoshihide Suga. Khua git gai Ping gah, Khua mir sir dêh čar ta ơi Nguyễn Phú Trọng pơpŭ bơni Ping gah Dân chủ Tự do Japan hơmâo mơ-it tơlơi pơpŭ hiam klă kơ Jơnum Ping gah tal XIII; pơpŭ bơni Khua git gai Ping gah Dân chủ Tự do Japan, Khua dêh čar Japan ơi Yoshihide Suga hơmâo mơ-it tơlơi pơpŭ kơ Khua git gai Ping gah, Khua mir sir dêh čar ta ơi Nguyễn Phú Trọng.

Khua git gai Ping gah, Khua mir sir dêh čar ta ơi Nguyễn Phú Trọng pơhiăp telephôn hăng Khua dêh čar Japan ơi Yoshihide Suga

Khua git gai Ping gah, Khua mir sir dêh čar ta ơi Nguyễn Phú Trọng lăi pơtong, amăng thun blan laih rơgao tơlơi rô nao rai kơplah wah Việt Nam hăng Japan kah hăng Ping gah Cộng sản Việt Nam hăng Ping gah Dân chủ Tự do tŏ tui hiam klă, hăng pơsit tong Việt Nam lêng kơ lăng Japan lĕ dêh čar ngă hrŏm yôm phiăn, sui thun, đăo gơnang; rơkâo dua bơnah kơtưn pơbưp nao rai djop gưl; rơkâo Japan tŏ tui gum hrŏm, djru brơi Việt Nam ngă pơgiong hơdôm hơdră bruă, akŏ bruă pơđĭ kyar bơwih ƀong huă - mơnuih mơnam mơ̆ Jơnum Ping gah tal XIII ba tơbiă, kơtưn ngă hrŏm amăng bơwih ƀong huă dua bơnah.

Siu Đoan: Pơblang