VOV4.Jarai - Tŏ tui mông mă bruă ƀơi hơdôm boh tơring čar kual lŏn dăo ia krông Cửu Long, mơguah lơ 18/3, Khua git gai pơ ala mơnuih ƀon sang dêh čar ta yă Nguyễn Thị Kim Ngân, Khua khul wai lăng bruă ruah khua dêh čar hơmâo ngă bruă hăng Grup git gai ruah khua tơring čar An Giang. Truh 5 mông tlam lơ 14/3, Jơnum min ruah khua tơring čar An Giang hơmâo mă 15 sŏp hră mơng ƀing tơbiă anăn ba ruah ngă khua pơ ala mơnuih ƀon sang dêh čar hăng 110 sŏp hră čih anăn ƀing ba ruah ngă khua pơ ala mơnuih ƀon sang tơring čar. Jơnum min mơnuih ƀon sang să glăk lăng glăi abih hră pơ-ar mơnuih ƀon sang djŏp 18 thun dưi nao plĕ hră ruah. Ră anai, ƀơi tơring čar An Giang aka ƀu hơmâo pô hlơi ƀŏm đĭ, ngă kơđi bơdjơ̆ nao bruă ruah khua. Bruă pôr pơhing ruah khua ăt hơmâo tơring čar An Giang ngă tui klă mơn hăng lu hơdră pôr pơthâo phara. Pơhiăp git gai ƀơi mông ngă bruă, Khua git gai pơ ala mơnuih ƀon sang dêh čar yă Nguyễn Thị Kim Ngân lăi, tơring čar An Giang hơmâo ngă klă laih bruă akŏ pơdong grup wai lăng bruă ruah khua pơ ala phun kơ mơnuih ƀon sang laih dong tŭ ư hăng 7 bruă mă mơng An Giang kiăng ngă amăng hrơi blan pơ anăp; čang rơmang An Giang prăp lui hăng pơphun truh kih bruă ruah khua pơ ala mơnuih ƀon sang dêh čả, khua Jơnum min pơ ala phun brơi mơnuih ƀon sang djŏp gưl.

Siu H’Mai: Pơblang