VOV4.Jarai-Tlam tom brơi, lơ 2/6, ƀơi anom bruă kơnuk kơna, git gai jơnum lăng nao rai amăng tivi kơplah wah khua mua git gai mơ̆ng dêh čar pơhlôm pơgang klin Covid 19 hăng Gơnong bruă ia jrao laih anun sang ia jrao ĕp kman duăm ruă Pasteur ƀôn prong Hồ Chí Minh, Kơ-iăng Khua dêh čar ơi Vũ Đức Đam, Khua git gai mơ̆ng dêh čar rơkâo kơ ƀôn prong Hồ Chí Minh ăt khom ngă bruă pơčrang kman amăng anih mơnuih ƀôn sang dŏ, mă ia khak, ia mơdung djop pô amăng anih đing đăo ƀă klin, tăp năng mă yua mơnuih măi robot, iâu telephôn tơña bla tơlơi suaih pral mơnuih ƀôn sang hơmâo pơhaih anăn bruă ia jrao, mơ̆ng anun nao tơl sang mă ia khak djop pô ba pơčrang kman.

Bơni kơ ƀôn prong Hồ Chí Minh pok pơhai hơdră pơhlôm pơgang klin, Kơ-iăng Khua dêh čar ơi Vũ Đức Đam, rơkâo kơ djop sang bruă ngă tui ĕp kman ƀơi hơdôm anih phrâo ƀuh ƀă klin.

Kơ-iăng Khua dêh čar ơi Vũ Đức Đam pơtă pơtăn dơ̆ng hơdôm  anih hŭi ƀă kman amăng kual tuh tia pơkra pơjing gơnam sĭ mơdrô sa ƀut, khom guang dar, pơčlah mơnuih mơnam tong ten ngă djơ̆ anăm lui kman ƀă pơrơkua nao rai dua klâo wơ̆t.

Nay Jek: Pơblang