VOV4.Jarai - Mơguah lơ 3/6, ƀơi Sang bruă Khua mir sir, Khua mir sir ơi Nguyễn Xuân Phúc, Khua khul apăn bruă ling tơhan hăng rơnuk rơnua, Khua git gai tơhan blah ngă jao hră ruah Khua pơphô bruă Khul ling tơhan mơnuih ƀon sang Việt Nam kơ Thượng tướng Nguyễn Tân Cương - Ding kơna Ping gah, Ding kơna apăn bruă Ping gah khul ling tơhan, Kơ-iăng khua Ding jum khul ling tơhan. Khua mir sir ơi Nguyễn Xuân Phúc đăo gơnang hăng kiăng Thượng tướng Nguyễn Tân Cương hăng bruă ngă phrâo amra apăn bruă hloh, hơmâo tơlơi pơmin kơjăp, khut khăt ha pran jua kiăo tui Ping gah, Kơnuk kơna, Ling tơhan hăng mơnuih ƀon sang; gir hrŏm hăng Ping gah Khul ling tơhan, khua mua Ding jum ling tơhan git gai, črâo bruă, pơđĭ tui tơlơi apăn bruă pơtŏp tơhan, kơjăp bruă blah wang, pơhlôm Ling tơhan dêh čar ta dưi ngă djŏp bruă mơ̆ Ping gah, Kơnuk kơna hăng mơnuih ƀon sang jao.

Siu H’Mai: Pơblang