VOV4.Jarai - Čơtlăm lơ 3/6/2021, ƀơi Anih mă bruă Khua mir sir, Khua mir sir dêh čar ta ơi Nguyễn Xuân Phúc hmâo tŭ jum laih Khua anih jưh pơ ala kơ dêh čar Japan ƀơi Việt Nam Yamada Takio nao lăi pơthâo hăng bơkơtuai tơlơi gum pơhiăp bruă gum hrom dơlăm prong Việt Nam hăng Japan. Khua mir sir dêh čar ta ơi Nguyễn Xuân Phúc pơdah pran jua mơ-ak bruă gum hrom dua bơnah hơdôm hrơi rơgao đĭ kyar klă hiam dong amăng hơdôm bruă; rơkâo Khua anih jưh pơ ala kơ dêh čar Japan pơtrut dong bruă bơkơtuai gưl dlông hăng hơdôm gưl kơplah wah 2 bôh dêh čar; gum hrom, djru nao rai tơdruă amăng pơgang pơgăn klin Covid-19; kơtưn pơlir bruă bơwih ƀong, pơtrut pơsur, pơtrut anom bơwih ƀong Japan pơhư klă bruă tuh pơplai, sĭ mơdrô ƀơi Việt Nam. Bơni kơ Khua mir sir dêh čar ta ơi Nguyễn Xuân Phúc pơ̆ anăp anai, Khua anih jưh pơ ala kơ dêh čar Japan ơi Yamada Takio pơdah pran jua čang rơmang Khua mir sir nao čuă dêh čar Japan amăng rơwang bruă mă bruă ƀơi Việt Nam. Khua anih jưh pơsit hơdră bruă ha sa mơng Kơnuk kơna Japan lăng yôm tơlơi rô nao rai hăng Việt Nam; djru klă dong kơ Việt Nam pơgang pơgăn klin Covid-19; pơtrut gum hrom pơđĭ kyar anom mă yua, pơplih mrô, anih anom; pơtrut bơwih ƀong Japan tuh pơplai ƀơi Việt Nam...

Siu H’ Prăk: Pô pơblang