VOV4.Jarai - Ƀrô ngă lơphet 80 thun Hrơi akŏ pơjing Grup Thiếu niên Tiền phong Hồ Chí Minh (15/5/1941-15/5/2021) hăng Hrơi Jar kmar pioh kơ ƀing čơđai lơ 1/6, Khua mir sir ơi Nguyễn Xuân Phúc mơ-it hră hơ-ơč hmưi kơ Grup hlăk ai, ƀing čơđai anet, ƀing khua wai lăng ƀing tơdăm ngek dra muai, čơđai anet tơlơi pơpŭ bơni, hơ-ơč hmưi tơlơi klă hiam hloh. Amăng hră mơ-it, Khua mir sir lăi rơđah: Hla tui hăng pơtrut đĭ gru grua hing ang, hrơi anai ƀing čơđai hla tui tơlơi Wa Hồ pơtô, thâo khăp ƀu-eng, gum pơgôp, khăp kơ bruă mă, amuaih hrăm hră, ƀing anet ngă bruă anet samơ̆ hơmâo anŏ kơtưn, gir yua tơlơi klă hiam kơ Lŏn ia ta. Pơ ala kơ khua mua Ping gah, Kơnuk kơna, Khua mir sir dêh čar ta bơni biă mă hơdôm tơlơi hơmâo ngă mơng ƀing čơđai, mơng ƀing wai lăng bruă mă mơng grup hlăi ai čơđai anet...; laih dong git gai Khul hlăk ai mut phung Hồ Chí Minh pơplih phrâo hơdră ngă bruă, akŏ pơjing Grup čơđai kơjăp kơtang, ngă klă bruă pơgang, wai lăng, pơtô ba ƀing čơđai; djŏp gưl ping gah, gong gai, anom bruă, khul grup lăng ba pơhlôm ngă tui klă tơlơi dưi hăng tơlơi kiăng ngă mơng ƀing čơđai, djru ƀing čơđai pơđĭ kyar abih bang.

Siu H’Mai: Pơblang