VOV4.Jarai-Ƀrô djơ̆ hơdor glăi 80 thun hrơi gru grua pioh kơ ƀing tha rơma Việt Nam lơ 6/6/1941-lơ 6/6/2021, Khua mir sir ơi Nguyễn Xuân Phúc hơmâo mơ-it hră pơpŭ kơ abih bang ƀing mơnuih tha rơma Việt Nam. Amăng hră, Khua mir sir bơni, hăng pơpŭ kơ boh tơhnal lăp pơ-ư ang biă mă mơ̆ng djop gưl rơnuk mơnuih tha rơma Việt Nam.

Pơpŭ kơ Khul mơnuih tha rơma Việt Nam găn rơgao 80 thun akŏ pơjing hăng ngă giong bruă yôm, tŭ yua, pơtrut bruă ngă hrom pơđĭ kyar. Khua mir sir čang rơmang mơnuih tha rơma Việt Nam amăng dêh čar hăng ƀơi dêh čar tač rơngiao ăt djru hrom tơlơi pơmin pran jua, tơlơi thâo thăi tom găn rơgao mơ̆ng gơñu man pơdong lŏn ia.

Laih dơ̆ng rơkâo, djop anom bruă khul grup mơnuih mơnam, gong gai kơnuk kơna, rĭm sang anŏ khom gleng nao, khăp ƀu eng, pơpŭ kơ ƀing tha rơma, pok prong bruă ngă hiam thâo pơpŭ kơ ƀing tha rơma, djru lăng tơlơi ƀong huă, ngă mơak pran jua kơ mơnuih tha rơma, pơđĭ tui tơlơi pơgôp prong pran jua mơ̆ng ƀing tha rơma, pơtrut tơlơi bơwih ƀong huă pơđĭ kyar hăng hơđong kjăp.

Nay Jek: Pơblang