VOV4.Jarai-Lơ 2/6, Khua mir sir ơi Nguyễn Xuân Phúc hơmâo hră mơ-it kơ Khua mir sir dêh čar Nga, ơi Vladimir Putin kiăng pơčrông sai dua bơnah amăng anun bruă kơtưn ngă hrom pơhlôm pơgang klin Covid 19.

Amăng hră mơ-it, Khua mir sir lăi pơtong Việt Nam lăng yom tơlơi rô nao rai giăng mah hăng gŏp ngă hrom tong ten kơplah wah Việt Nam-Nga, čang rơmang bruă ngă hrom dua bơnah jai hrơi tŭ yua kjăp hloh, laih dơ̆ng pơdah pran jua mơak mơ̆n ƀuh tơlơi ngă giăng mah dua bơnah ăt pơđĭ kyar mah amăng tơlơi tơnap tap klin Covid 19 ngă hai.

Bơni kơ Khua mir sir dêh čar Nga, ơi Vladimir Putin djru kơ Viẹt Nam 1000 liêu vaccine hăng lu gơnam yua gah bruă ia jrao pơkŏn, Khua mir sir ơi Nguyễn Xuân Phúc čang rơmang Nga djru, ngă gêh gal kơ Việt Nam tañ dưi blơi ia jrao vaccine mơ̆ng dêh čar Nga, ăt kah hăng ngă hrom pơkra vaccine ƀơi Việt Nam.

Nay Jek: Pơblang