VOV4.Jarai - Hrơi anai, lơ 25/3, Jơnum lok 11 Khua pơ ala mơnuih ƀon sang dêh čar tal 14 yak amăng hrơi ngă bruă tal 2. Amăng mông jơnum mơguah anai, ƀing khua amra hmư̆ tơlơi lăi pơthâo glăi bruă mă mơng rơwang thun 2016-2021 mơng sang phăt kơđi dêh čar, Anom bruă wai lăng kơđi tơlơi Dêh čar, Anom bruă Jŭ yap prăk Kơnuk kơna hăng tơlơi lăi pơthâo glăi mơng ƀing kư tri. Ding kơna Khul wai lăng bruă ruah khua dêh čar, Khua Khul wai lăng bruă ruah khua ơi Nguyễn Hạnh Phúc lăi pơthâo tơlơi dưi ngă amăng bruă ruah khua pơ ala mơnuih ƀon sang dêh čar tal 15 hăng Khua mua pơ ala mơnuih ƀon sang djŏp gưl rơwang thun 2021-2026 mơng hrơi akŏ pơdong Khul wai lăng bruă ruah khua dêh čar truh blan 3 thun 2021.

Jơnum lok 11, Khua pơ ala mơnuih ƀon sang tal 14

Či tlam, ƀing khua bơkơtuai ƀơi grup kơ Hră lăi pơthâo bruă rơwang bruă tal 14 mơng Ƀirô khua pơ ala mơnuih ƀon sang dêh čar; lăi pơthâo bruă rơwang tal 14 mơng Jơnum min apăn bruă pơ ala mơnuih ƀon sang dêh čar, Khul wai lăng djuai ania, Jơnum min mơng Ƀirô khua pơ ala mơnuih ƀon sang; hăng Hơdôm tơlơi lăi pơthâo bruă mă rơwang thun 2016-2021 mơng: Khua mir sir, Kơnuk kơna, Sang phăt kơđi dêh čar, Anom bruă wai lăng kơđi tơlơi mơnuih ƀon sang, Anom bruă Jŭ yap prăk kơnuk kơna.

Siu H’Mai: Pơblang