VOV4.Jarai-Tlam lơ 2/3, Kơ-iăng khua Jơnum min mơnuih ƀôn sang tơring čar Dak Nông, ơi Trần Xuân Hải ba jơlan hlâo grup khua mua tơring čar nao čuă, pơpŭ kơ khua mua, ling tơhan pơgang guai dêh čar tơring čar Dak Nông ƀrô hơdor glăi tal 62 thun hrơi Gru grua tơhan pơgang guai dêh čar laih anun 32 thun Hrơi abih bang mơnuih ƀôn sang ngă hrom pơgang lŏn ia lơ 3/3.

Ơi Trần Xuân Hải čih pioh hăng pơpŭ bơni kơ ling tơhan pơgang guai dêh čar tơring čar Dak Nông dưi pơgang mơak rơnuk rơnua jơlan guai dêh čar hơđong. Ngă hrom tong ten hăng tơhan pơgang guai dêh čar gah dêh čar arăng djru hrom bruă pơgang klin Covid 19 ƀơi guai dêh čar.

Ơi Trần Xuân Hải čang rơmang ƀing khua mua, ling tơhan pơgang guai dêh čar ăt pơsir tơlơi tơnap tap, kơtưn hloh amăng bruă mă lăp hăng tơhan blah ngă dŏ mă bruă pơgang guai lŏn ia.

Nay Jek: Pơblang