VOV4.Jarai - Tŏ tui mông jơnum lok 11, jơnum abih bang ƀơi Sang jơnum prong lơ 26/3, Khua pơ ala mơnuih ƀon sang dêh čar hơmâo bơkơtuai kơ Hră lăi pơthâo bruă mă rơwang bruă tal 14 mơng Ƀirô khua git gai pơ ala mơnuih ƀon sang dêh čar; hơdôm tơlơi lăi pơthâo bruă mă rơwang tal 14 mơng Jơnum min khua apăn bruă pơ ala mơnuih ƀon sang dêh čar, Khul wai lăng Djuai ania, hơdôm jơnum min mơng Ƀirô khua pơ ala mơnuih ƀon sang dêh čar. Tơlơi pơgôp hiăp mơng khua mua pơ ala mơnuih ƀon sang dêh čar pơsit, lăng glăi 5 thun ngă bruă, Khua pơ ala mơnuih ƀon sang dêh čar tal 14 lêng gơgrong bruă, gir kơtir đah mơng dưi ngă djŏp bruă hơmâo jao.

Anih jơnum

Rơwang bruă Khua pơ ala mơnuih ƀon sang tal 14 hơmâo lu tơlơi truh kih hăng lu boh than dưi ngă amăng djŏp bruă, mơng bruă čih pơkra tơlơi phiăn, wai lăng, pơsit hơdôm bruă yôm mơng lŏn ia ta truh pơ bruă pơtom hiăp, gum ba lŏn ia ta kơjăp tơkai yak nao pơ anăp, găn rơgao tơlơi tơnap, pơjing rai tơlơi klă hiam, kơjăp kơtang amăng tơlơi bơwih ƀong huă - mơnuih mơnam, pơgang lŏn ia, rơnuk rơnua plơi pla, pơtom hiăp, pơplih phrâo tơlơi hơdip hăng pơđĭ tui tơlơi hơdip mơnuih ƀon sang. Hơdôm tơlơi pơtrun mơng Khua pơ ala mơnuih ƀon sang dêh čar lêng tơbiă mơng tơlơi kiăng khăp mơng mơnuih ƀon sang, tơlơi klă hiam kơ dêh čar, kơ djuai ania ta, mơng tơlơi kiăng pơđĭ kyar lŏn ia.

Siu H’Mai: Pơblang