VOV4.Jarai - Tlam lơ 16/3, Khua pơ ala mơnuih ƀon sang dêh čar ta ta yă Nguyễn Thị Kim Ngân, Khua khul plĕ hră ruah khua dêh čar mă bruă hăng Khul git gai plĕ hră ruah khua ƀôn prong Cần Thơ. Truh 5 mông tlam lơ 14/3, Jơnum min plĕ hră ruah khua ƀôn prong hơmâo tŭ mă 15 hră pơ-ar ƀing mơnuih amra ruah ngă khua pơ ala mơnuih ƀon tal XV; 108 hră pơ-ar khua mua amra ruah ngă khua khul pơ ala mơnuih ƀon sang ƀon prong rơwang thun 2021-2026, hơmâo ngă hră pơ-ar pơđut hĭ bruă tŭ mă hră pơ-ar rơkâo ruah ngă khua pơ ala mơnuih ƀon sang dêh čar tal XV, hăng khua mua khul pơ ala mơnuih ƀon sang dêh čar ƀon prong rơwang thun 2021-2026 tui tơlơi pơkă.

Đĭ pơhiăp amăng mông mă bruă, Khua pơ ala mơnuih ƀon sang dêh čar ta yă Nguyễn Thị Kim Ngân git gai, tơdơi kơ mông jơnum pơčrông hlô prap lui lok 2, Cần Thơ kiăng pơtrut kơtang bruă pơtô pơblang anăp nao tal plĕ hră, đing nao bruă pơhlôm rơnuk rơnua amăng mơnuih mơnam, biă mă ñu lĕ amăng hrơi plĕ hră lơ 23/5/2021; prap lui djop hơdră kiăng pơhlôm amăng bruă ia jrao amăng hrơi blan hơmâo klin ră anai.

Siu Đoan: Pơblang