VOV4.Jarai - Rơwang bruă Tơlơi phiăn pơgang anih anom do# (pơplih pơkra) dưi hmâo [ing khua pơ ala mơnuih [ôn sang bơkơtuai amăng tal jơnum phrâo rơgao mơng Khua pơ ala mơnuih [ôn sang.

Tơlơi dưi hmâo [ing khua pơ ala rơkâo kơsem min pơhrua nao dong tơlơi pơkă kơ tơlơi phiăn pioh kơ bruă pơsir ngă hro\ trun ayuh asăp pơđoh tơbiă ngă sat truh anih anom do#; iâu pơthưr mơnuih mơnam pơplih phrâo kiăng pơgang anih anom do#.

Hrom hăng anun rơkâo hmâo tơlơi gum hrom kơja\p kơpah wah hơdôm ding jum gơnong bruă hăng Jơnum min mơnuih [ôn sang gưl tơring ]ar be\ bơrơkua bruă mă hăng jăm bruă gơgrong lom gum hrom ngă tui bruă pơgang anih anom do#.

{ing khua pơ ala lăi le\: Klin ruă Covid-19 phrâo rơgao brơi [ing ta [uh, tơlơi pơhlôm kơ tơlơi hơd^p ană mơnuih [u pơhlôm, amra hmâo hơdôm tơlơi klin ruă ngă [u hmao thâo tơdah ană mơnuih [u pơpu\ kơ lo\n adai dlai ia, [u hmâo tơlơi pơmin pơgang anih anom do#.

Tui hăng [ing khua pơ ala bruă pơplih pơkra Tơlơi phiăn pơgang anih anom do# kiăng pơgăn hơdôm klin ngă hu^ rơhyư\t amra truh, [udah tơdah hmâo tơlơi truh thơ hmâo go\ng jơlan tơlơi phiăn pioh pơsir, pơkra hăng bo\ng glăi hăng klin ruă ngă anun.

Khua pơ ala Đàng Thị Mỹ Hương, gru\p tơring ]ar Ninh Thuận rơkâo: kiăng kơsem min pơhrua nao dong tơlơi pơkă kơ tơlơi phiăn pioh kơ bruă pơsir pơhro\ trun ayuh asa\p [u klă pơđoh tơbiă bơdjơ\ nao săt truh rơhuông adai lo\n mơnai:

“Hiưm pơhă ara\ng lăi pơhro\ trun [ia\ hloh, hơnong pơkă pơhro\ trun hiưm hơpă kiăng dưi lăng pơhlôm ayuh hiăng huăi bơdjơ\ nao sat truh anih anom do#. Tui hăng kâo kiăng pơkă rơđah tơlơi pơkă anai pioh gal brơi bruă pel e\p, pơsir tơlơi ngă soh, be\ tơlơi mơnuih [ôn sang lăi nao kơ ano# hơ[ak ayuh hyiăng tơnap suă jua, ayuh hyiăng hơ[ak [u dưi do# hơd^p hăng ano# hơ[ak ayuh hyiăng.

Tơlơi hơ[ak ayuh hyiăng le\ do# mơn samơ\ ăt lăi le\ pơhro\ trun [ia\ hloh tui tơlơi pơkă laih hăng [u pơsir dong tah. Bruă anai ngă bơngot amăng mơnuih [ôn sang biă.”

Lu khua pơ ala pơkon rơkâo lăng ba tuh pơplai ngăn rơnoh kơ bruă pơgang anih anom do# hăng bo\ng glăi hăng pơplih ayuh hyiăng hăng rơkâo tơlơi pơplih phrâo amăng mơnuih mơnam gah pơgang anih anom do#.

Bơ\ hơdôm bôh yôm bơdjơ\ nao pơsit ano# bơdjơ\ nao anih anom do#, [ing khua pơ ala lăi le\: hră ]ih pơkra tal anai hmâo pơplih laih mơng bruă pơsit lăi pơthâo glăi pơsit ano# bơdjơ\ nao rơhuông adai lo\n mơnai jing pơsit bôh tơhnal pel e\p lăi pơthâo glăi tơlơi pơs^t ano# bơdjơ\ nao rơhuông adai lo\n mơnai kiăng pơđ^ tui bruă gơgrong mơng Khul pel e\p pơsit lăi pơthâo glăi ano# bơdjơ\ nao rơhuông adai lo\n mơnai, hrom hăng anun jao kơ pô tuh pơplai gơgrong ba hăng bruă tu\ mă, pơplih pơkra, pơhrua nao dong, ngă giong tơlơi lăi pơthâo pơsit ano# bơdjơ\ nao rơhuông adai lo\n mơnai. Khă hnun hai, khua pơ ala Bùi Thanh Tùng gru\p [ôn prong Hải Phòng rơkâo:

“Bruă pơkă tơlơi dưi mơng hơdôm ding jum wai lăng pơdo\ng gơnong bruă juăt gah tơlơi anai pel e\p pơsit lăi pơthâo glăi ano# bơdjơ\ nao rơhuông adai lo\n mơnai hăng pel e\p ngă tui hơdôm bôh yôm rơkâo pơgang rơhuông adai lo\n mơnai lom ngă tui rơwang bruă glăi tu\ ư hrom hăng hơdôm tơlơi pơkă kơ pơpha bruă wai lăng kơnuk kơna, pel e\p, hyu tơ`a bla bruă pơgang rơhuông adai lo\n mơnai mơng hơdôm ding jum gơnong bruă lăi [ơi ngo\ anun amăng tơlơi ]ih pơkra tơlơi phiăn, rơkâo Gru\p ]ih pơkra kơsem min lăng dong.”

Hơdôm tơlơi gum pơhiăp bruă gum hrom kơplah wah ding jum kông ngăn dlai klô hăng rơhuông adai lo\n mơnai hăng hơdôm Jơnum min mơnuih [ôn sang gưl tơring ]ar kiăng hmâo tơhnal ha amăng ple\, be\ bơrơkua bruă mă, jăm nao rai bruă gơgrong mơng Ding jum, gơnong bruă, tơring ]ar, [ôn prong amăng gum hrom. Khua pơ ala Phạm Văn Hoà gru\p tơring ]ar Đồng Tháp rơkâo:

“Pel e\p [u hmâo lăi pơthâo lom hmâo tơlơi lăi nao kơ rơhuông adai lo\n mơnai, [u djơ\ [u lăi pơthâo kơ mơnuih pel e\p ôh le\ [u djơ\ ôh, tơdah lăi pơthâo hlâo amra e\p [u [uh ôh, jơlan bo\ng glăi mơ\ anom pel e\p, hyu hơduah tơ`a tui glông hơdră pơkă [u e\p [uh.

Samơ\ ăt [u dưi hơdơ\ hor hyu pel e\p, hyu hơduah tơ`a ngă bơdjơ\ nao bruă bơwih [ong s^ mdrô mơng khul gru\p hăng rim ]ô mơnuih mơn.”

Khua pơ ala Nguyễn Minh Đức, gru\p [ôn prong Hồ Chí Minh le\ rơkâo Ding jum kông ang hmâo bruă gơgrong ]râo ba pơphun ngă tui tơlơi phiăn pơgang rơhuông adai lo\n mơnai amăng bruă mă mơng khul kông ang mơnuih [ôn sang; ]râo ba, pơphun bruă pơgang, pơgăn [ing ngă soh hăng tơlơi ngă soh tơlơi phiăn hmâo bơdjơ\ nao bruă pơgang, pơgăn [ing ngă soh gah rơhuông adai lo\n mơnai. Khua pơ ala Nguyễn Minh Đức pơblang:

“Ăt hmâo mơn hơdôm tơlơi lom hơdôm tơlơi pơkă mơ\ Ding jum kông ngan dlai klô hăng rơhuông adai lo\n mơnai hmao ba tơbiă hăng [irô wai lăng kơnuk kơna gah rơhuông adai lo\n mơnai mơng Ding jum wai lăng dlai klô hăng rơhuông adai hmâo ngă tui klă laih bruă anun.

Sa dua bôh anom bơwih [ong ăt hmâo mă tu\ mơn kiăng kơ pơđoh do\p ia djah, djah djâu tơbiă rơngiao ngă sat lo\n mơnai mơ\ lom mơnuih [ôn sang [uh hăng ba truh hơdôm tơlơi sat răm prong, đa ba truh săt [ơi anih anom do#.

Yua anun yơh, tơdah pơkă le\ kơnong kơ Ding jum kông ang ]râo ba amăng bruă pơgang, pơgăn [ing ngă soh hăng rơhuông adai lo\n mơnai.

Bơ\ hơdôm bruă ngă bơdjơ\ nao bruă pơgang, pơgăn [ing ngă soh gah rơhuông adai lo\n mơnai le\ amra khom hmâo tơlơi pơkă amăng anai anun kah mơng pơhlôm abih bang.”

{ing khua pơ ala rơkâo Ding jum kông ngăn dlai klô hăng rơhuông adai lo\n mơnai git gai dong, gun hrom hăng hơdôm ding jum, gơnong bruă kiăng pơsit hơdôm bôh yôm pioh ngă tui hră pơsit brơi rơhuông adai lo\n mơnai dưi pơhlôm djop tum, [u lui raih hơdôm bruă ngă mơ\ tui hơdră bruă anai khom dưi pơsit, pel e\p hăng pơsir, tơdah hmâo bruă ngă soh kiăng pơjing tơlơi phiăn kơ bruă pơsit pel e\p, hyu hơduah tơ`a, pơsir tơdơi anai.

Khua pơ ala Lưu Bình Nhưỡng, Jơnum min gum djru mơnuih [ôn sang mơng Khua pơ ala mơnuih [ôn sang rơkâo đing nao tơlơi pơgang rơhuông adai lo\n mơnai ayuh hyiăng [ơi plơi prong:

“Anai le\ sa kual gơgrong ba prong hăng ano# hơ[ak amăng hơdôm hrơi rơgao, {ing ta [uh lom lăng tui le\ [ơi [ôn prong Hà Nội djă pioh na nao gah mrô pơkă ia mriah hơdăng hăng ia mriah hêm.

Kâo rơkâo khom pơkă rơđah hơdră bruă pơgang rơhuông adai lo\n mơnai hơdôm bôh [ôn prong pơprong kual mơnuih [ôn sang do#, biă `u hơdôm kual juăt gơgrong ba ano# hơ[ak [ui hlu\, amăng anun kiăng pơkă rơđah mrô kyâu pla, mrô pơdo\ng đang bơnga hơdôm [ôn prong tui tơlơi pơkă pơdo\ng hăng rơkâo pơhrua nao tơlơi pơsir pơdo\ng hăng pơgang rơhuông adai lo\n mơnai ayuh hyiăng [ơi [ôn prong.”

Kơ-iăng Khua pơ ala mơnuih [ôn sang dêh ]ar ta ơi Phùng Quốc Hiển brơi thâo, tal jơnum phrâo rơgao, Khua pơ ala akă pơsit pel e\p rơwang bruă Tơlơi phiăn pơgang rơhuông adai lo\n mơnai (pơplih pơkra).

Pơ\ anăp anai Jơnum min apăn bruă khua pơ ala mơnuih [ôn sang pơphun dong bruă Jơnum khua pơ ala mơnuih [ôn sang gơgrong kiăng rơkâo tơlơi gum pơhiăp Khua pơ ala mơnuih [ôn sang dêh ]ar kơ hơdôm bôh yôm mơng rơwang bruă Tơlơi phiăn./.

Siu H’ Prăk: Pô ]ih pơlang