VOV4.Jarai - Čơtlăm lơ 23/3, ƀơi Hà Nội, Khul hlăk ai Cộng sản Hồ Chí Minh Ding jum kông ang pơphun ngă lơphet hơdor glăi 90 thun Hrơi pơdŏng Khul hlăk ai Cộng sản Hồ Chí Minh hăng čơkă mă Miđai pơgang lŏn ia dăp tal dua. Pơhiăp amăng mông ngă lơphet, Khua Ding jum kông ang ơi Tô Lâm rơkâo hơdôm gưl Khul hlăk ai hăng mơnuih hlăk ai tơdăm dra amăng kông ang mơnuih ƀôn sang khom thâo dơlăm, djop tơlơi, bruă mă gah kông ang; lăi pơthâo hơdôm tơlơi črâo ba, tơlơi pơtrun pơsit mơng Ping gah kiăng pơphun bruă, hơdôm bruă mă djơ̆ kiăng ngă pơhưč, ngă tui bruă ba jơlan hlâo mơng hlăk ai amăng ngă tui truh kih bruă kơđi čar, pơdŏng Ping gah, pơdŏng khul Kông ang mơnuih ƀôn sang klă hiam, kơjăp kơtang. Ƀrô djơ̆ tal anai, pơ ala kơ khua git gai Ping gah, Kơnuk kơna, Khua Ding jum ơi Tô Lâm hmâo ƀơk laih Miđai pơgang lŏn ia dăp tal dua kơ Khul hlăk ai Ding jum kông ang yua kơ hơdôm bôh than prong amăng bruă kơdŏng blah hăng pơhrăm blah, djru hrom bruă pơdŏng hăng pơgang lŏn ia Việt Nam djop mơnuih dưm kơnar./.

Siu H’ Prăk: Pô pơblang