VOV4.Jarai-Mơguah hrơi anai, lơ 27/3, Khul khua mua git gai ping gah dêh čar pok pơhai Jơnum mơ̆ng ataih lăng nao rai amăng tivi pioh kơsem min, hrăm tong ten, pơtô ngă tui, pôr pơthâo Hră pơtrun jơnum ruah khua ping gah dêh čar tal XIII.

Jơnum ruah khua ping gah dêh čar tal XIII

Jơnum anai, pơphun amăng dua hrơi, lơ 27 hăng lơ 28/3 hơmâo anih pơtruh nao rai mơ̆ng Anom Jơnum Diên Hồng, Sang bruă khua pơ ala mơnuih ƀôn sang dêh čar, plơi prong jưh jom Hà Nội hăng hơdôm anih pơtui ĕp lăng jơnum hrŏm mơ̆ng anom bruă Ping gah tơring čar, ƀôn prong, anom bruă ping gah kơnuk kơna gơnong dlông; anih pơƀuh nao rai mơ̆ng djop ding jum, anom bruă djop gêh gal lăi pơthâo akŏ bruă, kah hăng:

Hră lăi pơthâo kơđi čar mơ̆ng Khul git gai ping gah dêh čar tal XII ƀơi mô̆ng jơnum ruah khua ping gah tal XIII; bruă mă pơkă hlâo bơwih ƀong huă 10 thun mơ̆ng thun 2021-2030 hăng Akŏ bruă pơđĭ yar bơwih ƀong huă mơnuih mơnam 5 thun mơ̆ng thun 2021-2025;

Hră lăi pơthâo bruă mă akŏ pơdong ping gah hăng ngă tui Tơlơi phiăn Ping gah mơ̆ng Khul khua mua apăn bruă ping gah dêh čar tal XII ƀơi mông jơnum ruah khua ping gah dêh čar tal XIII; tơlơi thâo hluh phrâo hăng pơmin phrâo kơ bruă pơhlôm  hlâo mơ̆ng ling tơhan Việt Nam; tơlơi thâo hluh phrâo hăng tơlơi pơmin phrâo kơ pơgang rơnuk rơnua dêh čar.

Nay Jek: Pơblang