VOV4.Jarai-Lơ 17/3, grup krăo ĕp, lăng tui bruă ruah khua mơ̆ng Jơnum min git gai pơ ala mơnuih ƀôn sang dêh čar, yua kơ ơi Đỗ Bá Tỵ, Kơ-iăng khua git gai pơ ala mơnuih ƀôn sang dêh čar, ding kơna Khul pơphun bruă ruah khua dêh čar ngă Khua nao krăo ĕp, lăng tui bruă ruah khua pơ ala mơnuih ƀôn sang dêh čar tal 15 hăng ƀing pơ ala mơnuih ƀôn sang djop gưl rơwang bruă thun 2021-2026 tơring čar Thanh Hóa.

Ƀơi mông či ruah khua pơ ala mơnuih ƀôn sang dêh čar tal 15 hăng khua pơ ala mơnuih ƀôn sang djop gưl thun 2021-2026, tơring čar Thanh Hóa dưi pơpha ruah 14 čô mơnuih pơ ala gưl dêh čar, ruah 85 čô mơnuih pơ ala ƀơi tơring čar; 920 čô pơ ala gưl tơring glông, 13 rơbâo 272 čô pơ ala gưl să.

Truh ră anai, tơlơi pơhing bruă pok pơhai ruah khua pơ ala dêh čar tal 15 hăng pơ ala mơnuih ƀôn sang djop gưl rơwang thun 2021-2026 ƀơi Thanh Hóa pơphun djơ̆ hơdră, djơ̆ tơhnal pơkă, djơ̆ tơlơi phiăn  kơ bruă ruah khua, djơ̆ hrơi blan mơ̆n. Bruă pơgang tơlơi rơnuk rơnua, hơđong kơ mơnuih mơnam laih anun prăp lui bruă ia jrao gŭn hơmâo pơphun hlâo laih.

Nay Jek: Pơblang