VOV4.Jarai - Amăng 10 čô mơnuih tơbiă anăn ba ruah, mơnuih ƀon sang tơring čar Kon Tum hơmâo ruah mă 6 čô dưi ngă pô pơ ala mơnuih ƀon sang dêh čar tal 15. Rơđah biă ñu, 6 čô hơmâo mơnuih ƀon sang tơring čar Kon Tum ruah ngă khua pơ ala mơnuih ƀon sang dêh čar tal 15 lĕ: Ơi Nguyễn Văn Hùng, Ding kơna gum bruă Ping gah, Khua ding jum boh thâo gru grua, pơkơjăp drơi jăn hăng tuai čuă ngui; Yă Trần Thị Thu Phước, djuai ania Sêdang, Kơ-iăng khua Kông ang tơring čar Kon Tum; Ơi Tô Văn Tám, Kơ-iăng khua gơgrong bruă Grup khua pơ ala mơnuih ƀon sang tơring čar Kon Tum, Ding kơna Jơnum min Tơlơi phiăn Ƀirô khua pơ ala mơnuih ƀon sang dêh čar; Ơi Phạm Đình Thanh, Khua gơnong bruă Tơlơi phiăn tơring čar Kon Tum; Ơi U Huấn, Khua anom Git gai bruă amăng dêh čar tơring čar Kon Tum; Yă Nàng Xô Vi, djuai ania B’râu, bruă mă ƀơi Sang hră dân tộc nội trú tơring čar pơdong ƀơi tơring glông Ia H’Drai. Ƀing dưi đĭ ngă khua pơ ala mơnuih ƀon sang dêh čar tal 15 ƀơi tơring čar Kon Tum hơmâo hră ruah mơng 82,97% truh 93,39%.

Mơnuih ƀon sang tơring čar Kon Tum lăng glăi tơlơi pơhing kơ ƀing hơmâo anăn ruah hlâo či plĕ hră.

Siu H’Mai: Pơblang