VOV4.Jarai - Amăng hrơi mông pơgang klin Covid-19 kơtang hloh, anom bruă tuh tia pơkra gơnam tơring čar Kon Tum hơmâo wai lăng, brơi sĭ gơnam lăp djơ̆ kiăng ngă hơđong anih sĭ mơdrô. Gơnong bruă tuh tia pơkra gơnam tơring čar Kon Tum hơmâo ngă bruă hăng rim anom bruă kiăng pơđĭ tui mrô gơnam pơđom lui, pơhlôm hơmâo djŏp gơnam ba sĭ kơ mơnuih blơi yua, kiăng mơnuih ƀon sang hơđong pran jua, pơƀut pơgang klin Covid-19.

Anih sĭ gơnam nua hơđong ƀơi plơi prong Kon Tum.

Ră anai, hơdôm boh sang siêu thị, sang čơ prong, sang sĭ mơdrô ăt pơđom lui laih gơnam tam, đĭ mơng 15 truh 20% pơhmu hăng hrơi pơkŏn. Ƀơi hơdôm boh sang čơ, gơnam tơket tơkeng yơh, hơmâo djŏp tui hăng tơlơi kiăng blơi yua rim hrơi mơn.

Siu H’Mai: Pơblang