VOV4.Jarai-Kơtưn pơhlôm, pơgang klin Covid 19 rah, laih dơ̆ng pơtum ngă bruă pơtrut bơwih ƀong huă mơnuih mơnam, khut khăt ngă tui dua tơhnal pơkă tŭ yua, anun lĕ bruă mă phun Kơ-iăng Khua git gai Ping gah tơring čar, Khua Jơnum min mơnuih ƀôn sang tơring čar Kon Tum ơi Lê Ngọc Tuấn lăi pơthâo amăng mông jơnum lok blan 5 Jơnum min mơnuih ƀôn sang tơring čar Kon Tum.

Amăng 5 blan akŏ thun, tơlơi pơhing bơwih ƀong huă mơnuih mơnam hơđong, pơđĭ kyar laih anun tŭ mă lu boh tơhnal tŭ yua klă hiam. Kơ bruă ngă hmua pla pơjing, yap truh lơ 15/5, djop tơring glông, plơi pla ngă giong laih bruă hơpuă yuă pơdai puih phang; bruă mă wai lăng, pơgang glai klô dưi ngă tui tŭ yua. Bruă mă man pơdong plơi pla phrâo dưi hơmâo djop sang bruă, plơi pla hur har pok pơhai hăng 28 boh să dưi tŭ yap plơi pla phrâo.

Amăng 5 blan akŏ thun, prăk sĭ mơdrô hăng tač rơngiao ăt đi tui na nao, rơnoh prăk pơhrui glăi truh 92, 5 klăk dolar. Khua mua tơring čar Kon Tum rơkâo, djop gơnong bruă, djop tơring glông, plơi prong ngă tui khut khăt, sa amăng plĕ, tŭ yua bruă mă pơtrun bơwih ƀong huă mơnuih mơnam hăng hơdră pơhlôm pơgang klin Covid 19 rah laih anun pơtrut bơwih ƀong huă mơnuih mơnam kiăng ngă giong tơhnal pơtrun amăng bruă mă.

Nay Jek: Pơblang