VOV4.Jarai - Ƀơi anăp tơlơi hŭi rơhyưt mơng klin Covid-19 ngă ƀơi ƀon prong Hồ Chí Minh, tơring čar Kon Tum hơmâo ngă lu hơdră pơgang, pơgăn hĭ hŭi hơmâo mơnuih ƀă klin Covid-19 mơng pơkŏn mut nao. Mơng lơ 31/5, tơring čar Kon Tum pơdơi abih bruă pơdŭ pơgiăng tuai, mơng tơring čar nao pơ ƀon prong Hồ Chí Minh (rơngiao mă rơdêh pơđuăi hơmâo bruă yôm đôč).

Pơtô brơi mơnuih ƀon sang pơhaih ƀơi Anih pơgang klin Sao Mai, jơlan prong mrô 14, plơi prong Kon Tum, tơring čar Kon Tum.

Rơdêh đuăi găn nao pơ ƀon prong Hồ Chí Minh lĕ ƀu dưi dŏ rak jơlan ôh, ƀu dưi brơi tuai trun, pơdơi pơdă ƀong huă ƀơi tơring čar ôh. Hơdôm boh tơring glông ƀơi Kon Tum ăt lăng glăi abih bang ƀing rai mơng ƀon prong Hồ Chí Minh mơng lơ 18 truh lơ 29/5. Kiăng dưi pơgang klin Covid-19 ƀă hyu ƀơi tơring čar, mơng 12 mông mlăm jê̆ či mơguah lơ 1/6, tơring čar Kon Tum pơđĭ tui bruă pơgang klin Covid-19 ƀơi tơring čar kơtang hloh.

Siu H’Mai: Pơblang