VOV4.Jarai - Lơ 1/6, ƀơi Hà Nội, khua mua Ding jum kông ang hơmâo jơnum lăng nao rai amăng tivi hăng kông ang ƀơi hơdôm anom bruă, tơring čar kiăng kơ pel ĕp, bơkotuai pơsit hơdôm hơdră pơgang klin amăng tơhan kông ang. Ƀơi anăp kơ tơlơi tơnap tap mơng klin Covid-19 glăk lar hyu amăng đơ đam dêh čar, Ding jum kông ang pok pơhai ječ hơdôm hơdră pơgang klin; phaih gah ia jrao hăng ngă tui khut khăt hơdom tơlơi pơkă amăng pơčlah pơƀut, pơčlah pơ sang pioh pơgang klin; kơtưn amăng bruă pơgang klin ƀơi hơdôm anom bruă khăm pơjrao ƀơi anom bruă kông ang; pơphun tlâ̆o vaccine pơgang klin brơi kơ kông ang… Kông ang ƀơi hơdôm anom bruă, tơring čar tŏ tui kiăo tui ĕp tañ ƀing mơnuih jê̆ giăm hăng mơnuih ƀă klin, pơhlôm rơnuk rơnua ƀơi hơdôm anih dŏ gak, anih pơčlah pơƀut, sang ia jrao pơjrao mơnuih ƀă klin.

Siu Đoan: Pơblang