VOV4.Jarai - Mơguah lơ 2/6, ƀơi Pơsat ling tơhan pơsăn drơi tơring glông guai lŏn ia Ngọc Hồi, amăng tơlơi pơpŭ, Ping gah, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar Kontum pơhun ngă yang, ba nao hăng dor tơlang tơleh 9 čô ling tơhan pơsăn drơi mơng Việt Nam amăng hơdôm rơnuk blah wang dưi hmâo Grŭp K53 tum pơƀut ƀơi 3 bôh tơring čar Dơnung dêh čar Lao bơyan phang phrâo rơgao.

Kiăng pơgang klin Covid-19, mông ngă yang, ba nao, dor tơlang tơleh ling tơhan pơsăn drơi jăn dưi hmâo tơring čar Kontum pơphun rơguăt, mrô mơnuih nao pơhmư̆ tui tơlơi pơkă hăng ngă tui tơpă hơdôm bruă pơgang pơgăn klin.

Amăng tơlang tơleh 9 čô ling tơhan pơsăn drơi dưi dor ƀơi pơsăt ling tơhan pơsăn drơi tơring glông Ngọc Hồi, tơring čar Kontum, hmâo sa čô dưi rŭ mă ƀơi tơring čar Chămpasắc; 6 čô rŭ mă ƀơi tơring čar Sê Kong hăng 2 čô rŭ mă ƀơi tơring čar Attapư./.

Siu H’ Prăk: Pô pơblang