VOV4.Jarai- Hơtal nao bưp mơnuih [on sang pơpă hai ăt tui anun mơn, bruă pơđ^ kyar ]uk pơkra jơlan glông nao rai yơh tơlơi mơnuih [on sang tơring ]ar Kontum rơkâo na nao. Truh bơyan hơjan hlim thun anai, hơdôm tơlơi bơngo\t kơ jơlan glông nao rai jai kơtang, yua dah lu kual plơi pla mơnuih [on sang do\ amăng tơring ]ar amra [u dưi truh nao rai yua jơlan rô nao rai răm lu ]răn.

            Rơnu] thun 2013, kơ]ăo bruă pơkra jơlan nao rai amăng plơi pla kơplah wah să Đak Kôi- Đak Psi, glông ataih 39 km, rơnoh prak tuh pơ alin truh kơ 200 klai prak yua Gơnong  bruă wai lăng jơlan glông hăng pơdu\ pơgiăng tơring ]ar Kontum pô tuh pơ alin mă bruă, ngă giong laih.  Jơlan anai tuh lo\n pơtâo hăng tuh go\ drong, prong pang rơhaih 3 met mơkrah, jơlan anai pơtruh nao rai kơplah wah dua boh să tơnap tap, Đak Psi tơring glông  Đak Hà hăng Đak Kôi, tơring glông Kon Braih. Jơlan phrâo giong samơ\ kơnong tơdrông toa Đak Kâu-]răn găn nao pơ plơi Kon Plao Krâm, să Đak Psi ia dong na nao mlep mơtam, anun yơh hrim hrơi rô nao rai mơnuih [on sang khom ro# amăng ia soh. Bơyan hơjan hlim truh laih, jơlan glông nao rai [ơi dua boh să Đak Psi hăng Đak Kôi juăt tơ\i đưn na nao. Ayong A Thin, sang do\ giăm tơdrông anai lăi:

            Mơng ako\ blan 6 truh abih blan 9 hrim thun ia dong mlep na nao djơh hăng anai. Mơnuih [on sang nao pưk hmua, gơnam tam đang hmua khom pơdu\ djă hăng tơngan, pu\, glăm ba đu] yơh, [u thâo pơgiăng hăng rơdêh ôh, rơdêh hai pu\ glăm ba hăng pă, rơma, năm ]ô mơnuih klông ha boh rơdêh, na nao tui anun. {ing ]ơđai hrăm hră anih sa hơjan djơh hăng anai gơ`u nao sang hră ta bơngo\t yua biă mă.

Đak Psi ; Bơyan  hơjan  rô nao rai hu\i rơhyưt biă mă [ơi jơlan anai

            Tui hăng ơi A Wươn, Kơ-iăng Khoa să Đak Psi lăi, [u djơ\ kơnong amăng bơyan hơjan đu] ôh, wo\t hăng bơyan không, bơyan phang hai, lom sang măi drai apui lơtrik pơ tơkai ia adih pơdong ia le\ lip đ^, sang măi gah hlao ia adih pok ia thơ ia tơluh rai, tơdrông toa Đak Kâu ia dăo mle\p mơtam, ano\ dơlăm `u mơng mơkrah met truh kơ 2 met ia dong, ngă kơđông  h^  abih jơlan nao rai. Kiăng dưi truh nao rai hăng 4 boh plơi gah pơngo\, gong gai kơnuk kơna să Đak Psi, tơring glông Đak Hà khom jak iâu mơnuih [on sang pơkra tơdrông toa jăng jai pioh rô rơbat, toa nao rai sit ia ling dăo h^ tơdrông prong. Samơ\ yua tơdrông ming pơkra mă hăng kyâo hơnăl, anet, tơbor, anun lu wo\t hơmâo mơnuih le# trun mơng tơdrông, ngă rơka rơka]. Ơi A Wươn brơi thâo:

            Bơyan hơjan le\ khom tơguan tơl ia hro\ kah dưi găn. Tơdah ia [u hro\ ôh, [u thâo truh nao rai dong tah. Rơdêh prong [u thâo nao rai mơn, rơdêh thut nao pơ tơdrông toa pơkra jăng jai anun, ăt tơnap biă mă dưi găn. Hơnăl kyâo tơbor, gơnam boh troh đang hmua hơn^ dưi truh pơgiăng, anun s^ mơdrô rơgêh hloh. Wo\t hăng gơnam ană plơi pla blơi yua mơng sang s^ mơdrô gah ngo\ adih le\ s^ pơmă soh, noa đ^”.

Ană plơi pla pơkra  tơdrông  jăng  jai pioh rô nao rai găn ia hnoh

            Jơlan nao rai amăng să Đak Kôi hăng să Đak Psi rơnoh prak tuh pơ alin truh  kơ 200 klai prak, ]uk pơkra jơlan glông tơdrông toa truh pơ tơdrông Đak Kâu, mă prak tuh pơ alin mơng hơdră bruă mrô 135 man pơkra giong samơ\ jơlan rô nao rai ăt [u tu\ yua lơi. Lom pơkă lăng, ]uk pơkra jơlan, pô ]uk pơkra [u pơkă lăng ôh hơnong ia dong, ia tơluh rai mơng ring bruă sang măi drai apui lơtrik tơluh trun, anun yơh hơmâo na nao ia dong [ơi jơlan djo\p blan amăng thun. Tơlơi anai, hơmâo mơng hơdôm thun anai laih, samơ\ pô ]uk pơkra jơlan ăt aka [u hơmâo hơdră pơhlôm pơgang lơi, ngă kơ lu mơnuih [on sang na] biă mă. Ơi Đinh Văn Hùng, Khoa să Đak Psi, tơring glông Đak Hà lăi:

            “{ing gơmơi ăt rơkâo đ^ lu wo\t laih, sui thun laih mơn. Khoa moa pơ ala mơnuih [on sang [ơi tơring ]ar ăt rai e\p lăng laih, thâo abih tơlơi anai. Gơnong bruă wai lăng jơlan glông hăng pơdu\ pơgiăng tơring ]ar ăt rai e\p laih hro\m hăng djo\p kông ty wai lăng jơlan glông. Gơmơi hmư\ lom thun 2014, lăi le\ brơi kơ Gơnong bruă wai lăng jơlan glông truh 4 klai prak pioh pơkra glăi tơdrông toa. Samơ\ truh ră anai, ană plơi pla ăt aka [u [uh tơlơi hơge\t ôh”.

            Truh mông anai, kơ]ăo bruă ]uk pơkra jơlan nao rai kual plơi pla Đak Kôi-Đak Psi abih thun blan ]uk pơkra laih, rơnoh prak ăt abih laih mơn pioh pơsir tơlơi ia dong anai. {u djơ\ kơnong dơ\ anun đu] ôh, pô tuh pơ alin prak ]uk pơkra jơlan do\ dong hnưh truh 27 klai prak. Kiăng pơsir tơlơi ia dong, ia  lip tơdrông toa Đak Kâu, Gơnong bruă wai lăng jơlan glông hăng pơdu\ pơgiăng tơring ]ar Kontum, kơnong do\  tơguan rơnoh prak pơkra jơlan amăng thun 2015 anai, mơng gơnong dlông djru đu], mơng man pơkra glăi tơdrông phrâo pơko\n. Jơnum min mơnuih [on sang tơring ]ar Kontum ăt  pơs^t laih hơdră anai, samơ\ ta` biă `u truh abih thun anai mơn mơng dưi pok pơhai ngă bruă. Tui anun yơh, bơyan hơjan hlim thun anai, jơlan nao rai  [ơi să Đak Kôi hăng Đak Psi ăt [u thâo truh nao rai lơi.