VOV4.Jarai - Pơpha ano\ tu\ yua mơng kơyâo glai kơ ană plơi, kiăng ană plơi thâo hluh, gơ grong  lu hloh amăng bruă wai pơgang glai klô jing sa jơlan hơdră tla prăk kơ bruă pơgang ayuh hyiăng lo\n adai glai klô glăk  anăp nao, yua kơ anun [ơi plơi pla ala [ôn kual ataih amăng tring ]ar Kon Tum, mơnuih [ôn sang hlâo adih kơnong ngă hmua ]ông jơnah jah glai mơ\, pơplih jing wai pơgang glai rưng, lăng anun kah hăng bruă mă pơhrui glăi hơđong kơ mơnuih  [ôn sang amăng plơi pla.

Amăng 3 thun hăng anai, sang ano\ A Me, plơi Ba Tu 2, să Ngọc Yêu, tring glông Tu Mrong, tring ]ar Kon Tum hơmâo dong yơh bruă mă phrâo. Rơngiao kơ bruă ngă hmua `u rơkâo ngă bruă wai  pơgang glai rưng pơgang plơi Tu Mrong, wo\t tơdah nao truh pơ kual glai anun rơbeh ha mông  kah mơtruh, samơ\  pơkă hăng bruă ngă hmua kah hăng tơđar huăi gleh glar đơi ôh. Ayong A Me brơi thâo tui anai :

Sang ano\ gơmơi rơkâo  wai lăng 20 ektar, lo\m tu\ mă bruă wai lăng, ta kho\m wai lăng na nao yơh, ha blan kho\m nao dua, klâo wo\t pơgang kơyâo glai anih ta wai lăng kiăng kơ kơyâo mơtah mơda na nao, hơmâo anih ia ]ăt bluh đ^. Tu\ mă laih prăk kơnuk kơna brơi, kho\m wai pơgang kơyâo glai yơh, [u dưi koh drôm phă glai dong tah.

Bruă wai pơgang glai rưng hơmâo pơhrui thim dong prăk kăk, lo\m anun bruă mă huăi tơnap đơi ôh, anun yơh lu mơnuih [ôn sang [ơi să Ngọc Yêu pơmin pha ra. Bruă hyu amăng glai tui hăng sa phung, dua phung kiăng kơ mơnuih [ôn sang jơnum pơgăn [ing do\p uă kơyâo amăng glai laih anun ngă tui anun ană plơi hor kơ bruă pơgang glai kơyâo dong, gum pơgop nao rai tơdruă. Amai Y Xe, khua plơi Tam Rinh, să Ngọc Yêu, tring glông Tu Mrong brơi thâo:Ta ngă khua plơi khom gơ grong ba yơh r^m wo\t jơnum plơi, pơtô lăi, pơtă pơtăn ană plơi thâo hluh kơ bruă wai pơgang glai rưng, sit hyu amăng glai kho\m hơmâo khul lu mơnuih hyu hro\m, hyu mơng 10-15 wo\t, ha blan hyu tir sa wo\t, ta khom hyu tir na nao yua dah bơyan anai adai không phang mơnuih [ôn sang juăt ]ông jơnah ngă hmua.

Să Ngọc Yêu, tring glông Tu Mrong ră anai hơmâo 8000 ektar glai pơgang plơi gah anom bruă wai lăng glai rưng pơgang plơi Tu Mrong, bruă jao kơ ană plơi wai pơgang kơyâo glai dưi ngă tui dơ\ng mơng thun hlâo hlâo adih laih. Khă tui anun, bruă tla prăk kơ bruă wai pơgang glai rưng klâo thun hăng anai le\ ta` hloh, djơ\ hloh, rơnoh prăk ăt đ^ tui mơn, pơtrut pơsur pran jua ană plơi pla wai pơgang  glai rưng klă hloh. Hro\m hăng [ing tơhan wai pơgang glai rưng, pơphun lu wo\t jơnum bưp nao rai, kiăng pơtô lăi kơ mơnuih [ôn sang pơplih tui [ơ [rư\ tơlơi juăt pơmin mơng hlâo. Ayong A Thao, plơi Ba Tu 2, să Ngọc Yêu, tring glông Tu Mrong brơi thâo: Hơdôm boh sang ano\ juăt nao rai, hơmâo tơlơi gơ grong wai pơgang glai rưng, ngă bruă hiam klă, tong ten. Ta hyu amăng glai klô, [uh arăng  koh drôm kơyâo, ta lăi pơthâo mơtam kơ [ing tơhan wai pơgang glai rưng nao pơsir hăng pơgăn h^ bruă phă glai pơrai rưng.

Ră anai, [ơi să Ngọc Yêu, tring glông Tu Mrong hơmâo 240 boh sang ano\ tu\ mă tơlơi wai pơgang glai rưng mơng anom bruă wai pơgang glai rưng  Kơnuk kơna pơphun [ơi tring glông Tu Mrong, abih bang đơ đam glai klô wai lăng le\ 5000 ektar, lo\m sa boh sang ano\ wai lăng mơng 20-30 ektar. Hơnong tla prăk apah wai pơgang glai rưng sa ektar 400 rơbâo prăk, lo\m sa boh sang ano\ tu\ mă prăk tla kơ bruă wai pơgang glai rưng  sa thun mơng 8 klăk truh kơ 12 klăk prăk. Hrom hăng pơhrui mă mơng đang hơbơi plum, phun bơr, pla kơphê giăm anih glai sang ano\ do\ wai pơgang, bruă pơgang glai rah, sang ano\ mơnuih [ôn sang djop [ong huă laih mơn. Amai Y Se, khua plơi Tam Rinh, să Ngọc Yêu, tring glông Tu Mrong lăi dong: Tu\ mă laih prăk wai pơgang  glai rưng le\ mơnuih [ôn sang mơak biă mă yua dah hơmâo pơđ^ tui pơhrui glăi prăk kăk kơ ană plơi pla, tơdah tring glông do\ lu glai klô mơnuih [ôn sang rơkâo ngă bruă wai pơgang glai rưng, yua dah amăng plơi kơnong 34 boh sang ano\ đô] wai pơgang glai rưng, lo\m anun abih bang mrô sang ano\ amăng plơi pla hơmâo truh kơ 84 boh sang, anun hơdôm sang  ano\ do\ glăi ăt kiăng mơn ngă bruă wai pơgang glai rưng.

Dơ\ng mơng blung phun mơnuih [ôn sang [iă đô] gleng nao kơ bruă wai pơgang kơyâo glai, tăp năng arăng jao brơi laih, gơ`u ăt tu\ mă  samơ\ wai lăng tu\ kơ hơmâo, ră anai, gơ`u ngă hrom hur har biă pơgang glai rưng. Tơlơi anai brơi [uh, sit ană plơi pla [uh laih bruă wai pơgang rưng kơyâo hơmâo ano\ tu\ yua, gơ`u gơ grong kjăp amăng bruă wai pơgang, ngă tui anun mơn glai rưng ăt dưi wai lăng to\u, hơđong kjăp ./.

                                                Nay Jek : Pô ]ih hăng Pôr