VOV4.Jarai-Amăng hơdôm thun giăm anai, yua kơ pơblih nao rai anăn să, goai lo\n să amăng tơring ]ar Kontum hơmâo tơlơi kah glăi hăng hơdôm plơi pla tơnap tap, să kual  III tơdơi kơ pơpha să, pơ]lah pha ra, pơmut goai lo\n să [udah ako\ pơdong să phrâo mơ\ [u hơmâo tu\ mă dong tah tơlơi djru mơng Ping gah, kơnuk kơna. Yua kơ anun, tơlơi hơdip mơda mơnuih [on sang tơnap tap laih jai tơnap tap tui dong.

            6 blan hăng anai laih hmư\ lăng tơlơi pơhing [u mơak klă ôh mơng sang ano\ ơi A Nu plơi Đak Kơne, să Đak Long, tơirng glông Đak Hà. Tơlơi hơmâo dong mơng hrơi bơnai `u, yă Y Neh duăm. Yua kơ [u hơmâo hră pơjrao tơlơi duăm huăi rơngiă prak mơng kơnuk kơna djru, ơi A Nu khom s^ rơmô 15 klak prak pioh pơjrao kơ bơnai `u duăm. {u bưng ôh, tơlơi ruă bơnai `u jai hrơi kraih tui. Abih laih prak pơjrao tơlơi duăm ruă, pap kơ bơnai anun yơh `u rơkâo mă jăng jai hră pơjrao tơlơi duăm ruă huăi apah prak mơng sa ]ô mơnuih [on sang amăng plơi `u pô, kiăng ba nao bơnai `u pơ sang ia jrao prong tơring ]ar. Thâo kơ bơnai ruă hơmâo asar boh pơtâo lăng amăng boh [leh laih anun ruă rơ]ăm tơlang rong, anun ba glăi bơnai pơ sang đu], pran jua rơngôt biă mă. Rơngôt yua kơ [u hơmâo ia jrao pơjrao brơi kơ bơnai do\ ruă. Ơi A Nu lăi:

            {un rin djơh hăng anai, [u hơmâo prak kak dong. Tơdah ta nao pơ sang ia jrao dong le\, ta [u hơmâo prak [u hơmâo hră pơhlôm noa ia jrao [ing ơi ia jrao [u gưt pơjrao brơi ôh. Nao pơjrao pơ rơngiao jai kraih tơnap tap. Kâo nao pơ sang ia jrao rơkâo hră pơjrao tơlơi duăm ruă arăng le\, hiư\m thâo djơ\, yua [u djơ\ pô.

Ơi A Nuh [u hơmâo hră pơhlôm noa ia jrao anun lui  bơnai  do\ pơ sang

            Să Đak Long, tơring glông Đak Hà, tơring ]ar Kontum ako\ pơdong blan 12 thun 2013 tui hăng hră pơtrun mrô 126 mơng Kơnuk kơna. Hrom hăng rơbêh 3000 ]ô mơnuih [on sang Đak Hring, rơbêh 1.200 ]ô mơnuih să Đak Psi do\ amăng să phrâo pơdong. Hlâo kơ pơpha să Đak Long, hơmâo năng ai `u 85% mrô mơnuih [on sang amăng să [ơi 5 boh plơi amăng dua boh să hơđăp,  anun le\, Kon Đao Jôp, Kon Teo, Đak Lấp, Đak Sê, Đak Kne lêng kơ hơmâo tơlơi djru mơng kơnuk kơna pioh kơ plơi pla tơnap tap soh. Samơ\ laih glăi pơ să phrâo, hơdôm tơlơi djru anun [u hơmâo dong tah, ngă kơ tơlơi hơdip mơda mơnuih [on sang djuai ania Hơdang tơnap tap biă mă. Ơi Nguyễn Long Thịnh, Kơ-iăng khoa să Đak Long brơi thâo:

            Ta [uh tơnap tap biă mă, kơ[ah biă mă kơ mơnuih [on sang amăng să Đak Long gơmơi yua dah hlâo adih gơ`u jing amăng plơi pla tơnap tap kual III să Đak Psi anai.  Dong mơng hrơi ako\ pơdong să phrâo truh ră anai yua să aka tu\ yap kual III ôh anun yơh tơlơi djru mơng kơnuk kơna mơnuih [on sang tu\ mă mơng hlâo [u do\ dong tah, kah hăng tơlơi djru hơdră bruă mrô 135. Laih anun hơdră djru prak ]an kơ tơlơi bơwih [ong huă tui Hră pơtrun mrô 54 hăng Hră pơtrun mrô 102 mơng Khoa dêh ]ar ta.

            {u dưi tu\ mă tơlơi djru dong tah, kah hăng tuh pơ alin kơ bruă ]uk pơkra jơlan nao rai, djru tơlơi ngă hmua, jơlan hơdră pơdong plơi pla phrâo, djru sang do\ hăng bruă hrăm hră pơar, pơjrao tơlơi duăm ruă anun yơh lu sang ano\ le# amăng tơlơi tơnap tap. {u [iă ôh sang ano\, yua kơ hơmâo mơnuih duăm ruă hlong rin rơpa [un lat mơtam. ơi A Khun, khoa plơi Kon Teo, lăi:

            Hơdôm tơlơi djru kah hăng hră pơjrao tơlơi duăm ruă dua thun hăng anai laih mơnuih [on sang djuai [iă [u hơmâo tu\ mă tơlơi djru dong tah, ră anai mơnuih [on sang duăm ruă [u khin nao pơ sang ia jrao să, sang ia jrao kơnuk kơna. Tơdah duăm djong kơnong đih pơ sang đu], kơnang kơ yang djru brơi suaih đu] baih. Tơdah duăm kraih khom ]an  pran [uăn rong hăng pơdai kơtor do\ mơda, hơbơi plum phrâo đ^ anun yơh. }an prak anun  nao pơjrao tơlơi duăm ruă pơ sang ia jrao gah rơngiao.

            Ră anai, să Đak Long hơmâo 661 boh sang ano\ hơmâo laih 284 boh sang ano\ [un rin, dưm dưm hăng 43%. Lom anun, tơlơi pleh ploh kơplah wah sang ano\ [un rin, giăm [un rin hăng sang ano\ huăi [un rin `u [u taih ôh, tơdah [u hơmâo tu\ mă tơlơi djru mơng Ping gah, Kơnuk kơna pioh kơ plơi pla tơnap tap sit nik tơlơi rin glăi amra lu yơh. Rơngiao kơ anun, do\ bơ be] djơ\ prong kơ bruă mă kơ` pơgi ni anăp rơnuk ană tơ]ô amăng plơi pla. Nai Tống Ngọc Thắng, Kơ-iăng Khoa sang hră mơng anih 1-5 să Đak Long brơi thâo:

            ~u bơbe] djơ\ kơ [ing ]ơđai biă mă amăng bruă pơhlôm noa ia jrao. Sit [ing gơ\ duăm ruă hă tơnap tap biă mă. Hrom hăng anun, hơdră bruă mrô 135 hơmâo Hră pơtrun mrô 74 ăt abih laih mơn yua kơ anun ako\ thun hrăm phrâo anai [ing gơmơi  gleh glar kơ jơlan hơdră djru hơdrôm hră pơar hrăm hră kơ [ing ]ơđai sang hră. Hơdrôm hră pơar sang hră khom hyu jak iâu [ing mơnuih pơdrong hơmâo pran jua ]ơmah laih anun anom bruă mơdrô djru brơi đa. Hơdrôm hră pơar tơnap biă mă.

            Hrom hăng să Đak Long, rơnu] thun 2013, tơring ]ar Kontum hơmâo 4 boh să dong phrâo pơ]lah hăng ako\ pơdong glăi amăng anun hơmâo hơdôm boh să, plơi pla djop laih hơnong pơkă samơ\ ako\n dưi pơs^t jing plơi pla kual ataih kual III lơi laih anun aka [u yap plơi pla tơnap tap ôh. {ơi anăp kơ tơlơi tơnap tap anun, Anom bruă wai lăng gah djuai ania tơring ]ar Kontum hơmâo pơđ^ tui 14 boh plơi hơmâo anăn tơnap tap hloh brơi tu\ yap. Tơdơi kơ do\ tơguan sui hrơi truh lơ 29/10 phrâo anai, Jơnum min wai lăng djuai ania [iă ngă hră pơs^t mrô 601 tu\ yap pơbuă tui dong, pơkra glăi anăn plơi pla tơnap tap kual I, kual II, kual III kơ mơnuih djuai [iă hăng ]ư\ siăng. Amăng anun, tơring ]ar Kontum dưi pơbuă tui 14 boh plơi hăng 4 boh să kual III amăng 3 boh tơring glông Đak Hà, Ia H'drai hăng Sa Thầy. Anai le\, bruă ngă je] kiăng djru ba kơ mơnuih djuai [iă dưi găn rơgao tơlơi tơnap tap. Tơdah hră anai dưi hơmâo Kơnuk kơna tu\ ư le\, mơng ako\ thun 2016, mơnuih [on sang amra tu\ mă tơlơi djru kơ plơi pla tơnap tap hloh. ơi U Minh Nam, Kơ-iăng Khoa anom bruă wai lăng gah djuai ania [iă tơring ]ar Kontum brơi thâo:

            Tơdah dưi hơmâo khoa dêh ]ar tu\ ư hơdôm să kual III pơ anăp anai, jing sa tơlơi ]ang rơmang kơ mơnuih [on sang djuai [iă tơnap tap. Boh nik `u ngă tui jơlan hơdră djru kơ tơlơi [un rin hơmâo ano\ gêh gal hloh amăng bruă pơđ^ kyar tơlơi bơwih  [ong huă tuh pơ alin ]uk pơkra jơlan glông nao rai [ơi kual anai.

                                                                        Nay Jek: Pô ]ih hăng pôr