VOV4.Jarai - Bơdjơ\ nao tơlơi duh prăk c\uk pơkra lo\n, [ơi tơring ]ar Kontum gong gai kơnuk kơna kho\m lui h^ laih bruă duh prăk [ơi dua kơc\ăo bruă pơkra jơlan yôm le\ arăt jơlan to\ mơng jơlan Hồ Chí Minh nao pơ jơlan mrô 24 hăng jơlan be\ Hồ Chí Minh nao pơ plơi prong Kontum, yua [uh tơlơi soh glăi amăng bruă ngă hră pơ-ar duh lo\n.

Khă mơng pơgăn hmao tlôn, samơ\ bruă anai jing bruă prong biă mă kho\m Jơnum min mơnuih [on sang Kontum jao bruă kơ kông ang hơduah kơđi, ngă rơđah bruă [ing mă bruă kơnuk kơna ngă soh.

Jơlan to\ mơng jơlan Hồ Chí Minh nao pơ jơlan dêh ]ar mrô 24 hăng jơlan be\ Hồ Chí Minh găn nao pơ plơi prong Kontum le\ dua kơc\ăo bruă jơlan nao rai yôm mơng tơring ]ar Kontum amăng thun 2018.

Ră anai, dua kơc\ăo bruă anai lêng aka dưi pơphun pơkra ôh, yua bruă duh lo\n hơmâo lu tơlơi soh glăi.

Hmư\ hing hloh le\ bruă [ing mă bruă ngă hră duh lo\n nua pơmă kơtang biă, kah hăng c\i [ong prăk, bơdjơ\ nao bruă jao lo\n tơnah, bơdjơ\ nao bruă [u pơsit djơ\ tui nua lo\n sit nik ôh, jing ngă soh glăi prong amăng bruă duh ba lo\n c\uk pơkra.

Nưh pơdong ngă anih tơguan duh prăk [ơi kơc\ăo bruă pơkra jơlan to\ mơng jơlan Hồ Chí Minh nao pơ jơlan mrô 24

Bruă anai prong biă mă ba truh tơlơi amăng blan 9 phrâo rơgao, Jơnum min mơnuih [on sang Kontum kho\m pơdơi hră pơsit nua lo\n, pơdơi duh prăk c\i ngă glăi hră pơ-ar.

{ơi mông jơnum Khul khoa pơ ala mơnuih [on sang Kontum phrâo anai, ơi Thái Văn Ngọc, Khoa Anom gơgrong tơlơi phiăn do\ pơmin ruă ako\ dlô [ơi anăp tơlơi soh anai:

‘’Tơdah bruă anai mơ\ [u pơsir hmao tlôn. {u hmao [uh, brơi pơdơi hmao tlôn mơ\ tla prăk kơ ană plơi le\ amra ba truh tơlơi sat răm [u thâo hlâo.

Kâo do\ pơmin, djo\p bruă ngă kiăo tui ako\ tlôn soh, mơng pơphun bruă truh pơđut bruă lêng djơ\ soh, lêng hơmâo lu anom bruă ngă hro\m, samơ\ ăt hơmâo tơlơi soh prong tui anai mơn’’.

Tui hăng hơdră duh prăk c\uk pơkra lo\n mơ\ anom bruă gơgrong bruă tơring ]ar Kontum man pơdong, le\ abih tih prăk duh lo\n rơbêh 50% pơhmu hăng nua prăk tuh pơ alin mơng rim kơc\ăo bruă.

Lu lo\n tơnah, ngăn drăp hơmâo anăn duh prăk hăng nua pơmă se\p hăng adai. Rơđah biă mă `u, kah hăng 1 ektar đang pla phun sui thun ataih mơng anih plơi pla do\, jơlan nao rai tơnap, duh prăk năng ai `u 1 klai 410 klăk prăk, lơ\m anun nao ju\ yap sit nik prăk kiăng duh biă mă gơ\ 600 klăk prăk đôc\.

Sa ektar đang pla phun kơsu sui 3 thun hơmâo prăk duh lo\n 1 klai 460 klăk prăk, lu hloh kơ nua sit nik năng ai `u 660 klăk prăk.

Hmư\ hing hloh le\ prăk duh kơ 870m2 drông un arăng duh lu hloh kơ nua sit biă mă le\ 700 klăk prăk…

Ơi Phạm Đức Hạnh, Khoa Gơnong bruă kông ngăn ayuh hyiăng lo\n adai Kontum pơsit, hơdôm tơlơi soh glăi anai jing pơgăn, ngă kaih bruă mă, bơbec\ prong biă kơ tơlơi pơmin, pran jua mơnuih [on sang, laih anun ngă tơnap amăng bruă ngă kiăo tui tlôn mơng kơc\ăo.

Ơi Hạnh ăt brơi thâo, Jơnum min mơnuih [on sang Kontum jao bruă kơ kông ang laih, c\i hơduah e\p ngă rơđah, pơsir kơđi, phăk [ing ngă soh:

‘’Jơnum min mơnuih [on sang tơring ]ar [uh mơn amăng anom bruă hơmâo mơnuih mă bruă mơnec\ mă bruă duh prăk c\uk pơkra lo\n c\i [ong prăk; hyu pơgăp kiăng jao lo\n, ba truh tơlơi hmư\ hing [u klă amăng bruă duh ba lo\n tơnah.

Hơmâo mơn đa [ing ngă bruă mơng tơring ]ar, anom bruă duh prăk [u djơ\ hăng nua lo\n ôh. Hơdôm bruă anai Jơnum min mơnuih [on sang tơring ]ar jao kơ Anom bruă kông ang plơi prong hăng Kông ang tơring ]ar pơsit rơđah laih anun hơmâo hơdră pơsir bruă djơ\ hăng tơlơi phiăn’’.

Tơdơi kơ [uh [ing c\ih pơkra hră duh lo\n [u djơ\ hăng nua lo\n glăk hơmâo, ngă nua lo\n pơmă kơtang đơi;

[ong prăk lan, pơsur arăng jao lo\n, bơbjơ\ nao bruă [u pơsit djơ\ ôh hăng nua lo\n sit nik, jing ba truh tơlơi hmư\ hing [u klă amăng bruă duh prăk c\uk pơkra lo\n [ơi dua kơc\ăo bruă pơkra jơlan glông yôm mơng tơring ]ar le\ glông jơlan tô mơng jơlan Hồ Chí Minh nao pơ jơlan mrô 24 hăng jơlan be\ Hồ Chí Minh nao pơ plơi prong Kontum, Jơnum min mơnuih [on sang Kontum jao bruă kơ kông ang hơduah e\p glăi bruă duh prăk c\uk pơkra lo\n hăng 8 kơc\ăo bruă giăm dua kơc\ăo bruă anai.

Siu H’Mai: Pô c\ih hăng pôr