VOV4.Jarai - Lơ 25/3, Kơ-iăng Khua dêh čar ta ơi Trịnh Đình Dũng hmâo kĭ Tơlơi pơsit pơtrun tuh pơplai Rơwang bruă pơdŏng Tơdrun tum păn Liên Chiểu, ƀôn prong Đà Nẵng – črăn anom mă yua hrom. Anai lĕ Rơwang bruă djuai A, tuh pơplai hrom hăng abih bang pơkă lăng hlâo mă yua 3.426 klai prăk, yua kơ Jơnum min mơnuih ƀôn prong Đà Nẵng pô gơgrong wai lăng. Tui hăng Tơlơi pơsit anai, Khua dêh čar ta jao kơ Jơnum min mơnuih ƀôn sang ƀôn prong Đà Nẵng gơgrong anô̆ djơ̆ sit gah bôh yôm, mrô amăng Tơlơi lăi pơthâo glăi kơsem min prăk ngă tui; git gai čih Tơlơi lăi pơthâo glăi kơsem min dưi ngă Rơwang bruă, lăi pơthâo kơ gưl hmâo tơlơi dưi pơsit tuh pơplai Rơwang bruă tui djơ̆ tơlơi pơkă amăng tơlơi phiăn; Tui anun lĕ tơdơi kơ 3 thun pơsit pran jua pơdŏng rơwang bruă lăi pơthâo hơdôm gưl hmâo tơlơi dưi, truh ră anai Rơwang bruă pơdŏng Tơdrun tum păn Liên Chiểu, ƀôn prong Đà Nẵng – Črăn anom mă yua hrom sit nik dưi pơsit laih./.

Siu H’ Prăk: Pô pơblang