VOV4.Jarai - Ră anai, pơ-iă hang kơtang hăng krô kreñ ngă kơtang ƀơi lu anih, biă ñu kual Tŏng krah dêh čar, amra hmâo apui ƀong dlai prong biă ƀơi lu anih anom, lu kual dlai klô glăk ƀơi rơnoh lăi pơtă dăp tal 4, tal 5 (tal huĭ rơhyư̆t hloh). Kiăng gơgrong hlâo pơgang, pơgăn apui ƀong dlai klô, Khua Ding jum đang hmua hăng pơđĭ kyar ƀôn lan dêh čar ta Lê Minh Hoan hmâo Kông điêng mrô mơ-ĭt kơ gong gai hơdôm bôh tơring čar, ƀôn prong rơkâo črâo ba pok pơhai sa dua bruă mă tañ kơ kơtưn hơdôm bruă tañ pơgang pơgăn apui ƀong dlai. Rơđah biă ñu črâo ba Jơnum min mơnuih ƀôn sang hơdôm gưl hăng hơdôm ƀirô apăn bruă ngă tui tơpă bruă gơgrong wai lăng tơlơi pơgang, pơgăn apui ƀong, kơtưn bruă pel ĕp, lăng tui bruă pơgang, pơgăn apui ƀong dlai lăng anai lĕ bruă mă phun; Pel ĕp khul, gơnam mă yua, rơdêh, prăk yua pioh ngă klă jơlan gah “4 hơđăp”; pơpha bruă khul mơnuih dô̆ gak wai hrơi mlăm amăng bơyan phang khôt; hmao thâo anih apui ƀong, iâu pơhrui hơdôm khul gum hrom pơgăn hăng apui ƀong dlai amăng rơwang ƀiă mông hloh, ƀu pioh apui tơhlia hyu prong./.

Siu H’ Prăk: Pô pơblang