VOV4.Jarai- Dong mơng thun 2011, lơ\m jơlan hơdră tla prăk apah wai lăng glai rưng pơphun ngă, hơdôm boh sang măi drai ia apui lơtrik ngă tom bruă tla prăk apah wai lăng glai rưng dong yua dah mă yua ia.

Prăk pơc\ruh anai le\ yôm biă mă kiăng hơdôm boh plơi pla ala [on ngă bruă wai lăng, pơgang glai rưng hăng pơđ^ kyar glai rưng. Tơlơi hơmâo ră anai [ơi sa, dua Sang măi drai ia apui lơtrik tơring ]ar Kontum.

Kông ti Drai ia pơkra apui lơtrik Ia Ly, gah Grup Apui lơtrik Việt Nam ră anai glăk wai lăng 3 boh sang măi drai ia apui lơtrik [ơi ia krông Sê San le\ sang măi apui lơtrik Ia Ly, sang măi apui lơtrik Plei Krông hăng sang măi apui lơtrik Sê San 3, gah dua boh tơring ]ar Kontum hăng Gialai.

Jua pơke\ apui lơtrik mơng 3 boh sang măi anai le\ 1080MW, ri\m thun pơke\ apui lơtrik truh 5 klai 300 klăk KWh.

Anai jing sang măi hơmâo jua pơke\ apui lơtrik dong tal 4 amăng dêh ]ar ta, djru yôm biă mă kơ bruă pơkra apui lơtrik dêh ]ar.

Tui hăng ơi Lê Văn Thuyết, Kơ-iăng khoa Kông ti drai ia apui lơtrik Ia Ly, anom bruă lêng kơ ngă klă bruă tla prăk bơwih brơi glai rưng tui hăng hră pơtrun mrô 99 mơng Kơnuk kơna.

Tong ten le\, dong mơng thun 2014 truh thun 2016, kông ti hơmâo nô|p kơ Keh prăk pơgang pơđ^ kyar glai rưng Việt Nam hăng dua boh tơring ]ar Kontum, Gialai rơbêh 270 klăi prăk. 9 blan ako\ thun 2017, mrô prăk tla bruă bơwih brơi glai rưng hơmâo kông ti nô|p truh kơ 77 klai prăk laih:

‘’Ră anai, hră k^ pơkôl jao bruă le\ [ing gơmơi k^ hăng Keh prăk pơgang pơđ^ kyar glai rưng Việt Nam kơ kơc\ăo bruă Drai ia apui lơtrik Sê San 3 hăng Ia Ly, yua dah dua kơc\ăo bruă anai hơmâo ia krông rô nao rai [ơi dua boh tơring ]ar.

Bơ kơc\ăo bruă Drai ia apui lơtrik Plei Krông le\, [ing gơmơi k^ pơkôl hăng Keh prăk djru pơgang pơđ^ kyar glai rưng tơring ]ar Kontum.

Ri\m thun, [ing gơmơi ngă hro\m hăng hơdôm keh prăk anai amăng bruă tla prăk djơ\ hrơi pơkă. Amăng hơdôm thun laih rơgao, [ing gơmơi lăng bruă anai djơ\ lăp, gêh gal, rơdah rơđông biă mă’’.

{ơi tơring ]ar Kontum ră anai hơmâo 29 boh sang măi drai ia apui lơtrik glăk do\ mă bruă, kho\m tla prăk apah wai lăng glai rưng hăng rơbêh 360.000 ektar, hơmâo 60% đơ đam lo\n glai amăng tơring ]ar.

10 blan thun 2017 anai, hơdôm anom bruă tla prăk kơ Keh prăk wai lăng pơgang pơđ^ kyar glai rưng tơring ]ar Kontum truh 120 klai prăk.

Hro\m hăng hơdôm boh sang măi pơprong, anom bruă gah anom bruă kơnuk kơna, abih bang sang măi anet prong, do\ gah anom bruă bơwih [ong mă pô ăt ngă tui djơ\ hơdôm bruă tla prăk kăk lơ\m mă yua ia pơke\ apui lơtrik.

Ơi Nguyễn Đình Tuy, Khoa wai lăng Kông ti Drai ia apui lơtrik Đăk Rơ Sa brơi thâo, kông ti glăk wai lăng 2 boh sang măi pơke\ apui lơtrik [ơi ia krông Đăk Tkan (sa c\răn mơng hlâo ia krông Sê San), gah tơring glông đăk Tô, Kontum hăng jua pơke\ apui lơtrik giăm 10MW.

Kông ti mă bruă 10 thun anai laih, laih anun dong mơng hrơi hơmâo jơlan hơdră tla prăk bơwih brơi glai rưng, kông ti lêng ngă djơ\ tơlơi phiăn laih anun tla hlâo kơ hrơi pơkă:

‘’Amăng 10 thun ngă bruă, ia yua amăng bruă pơke\ apui lơtrik ăt hơđong mơ\n. ri\m thun, dua boh sang măi pơke\ apui lơtrik pơđuăi giăm 44 klăk KWh, prăk jao kơ Keh prăk pơgang pơđ^ kyar glai rưng le\ 1 klai prăk, laih anun anom bruă anai lêng jao prăk djơ\ hrơi pơkă soh’’.

Prăk mă mơng prăk arăng tla wai lăng glai rưng hơmâo ba glăi [ơi hơdôm kual glai rưng phun, c\i tla kơ pô wai lăng, anom bruă wai lăng pơgang glai rưng.

Yua anun, hăng bruă ngă djơ\ tơlơi phiăn tla prăk kơ glai rưng, hơdôm boh sang mă drai ia apui lơtrik Kontum djru yôm biă mă amăng bruă apah arăng wai lăng, pơgang glai rưng [ơi tơring ]ar.

                                                          Siu H’Mai: Pô c\ih hăng pôr