VOV4.Jarai - Tơdơi kơ pơdơi jang jai pioh pơgang klin Covid-19 Jơnum min mơnuih ƀon sang tơring čar Lâm Đồng hơmâo hră pơtrun brơi sa, dua anih pơwŏt glăi mă bruă dong mơng 2 mông tlam lơ 27/5. Tui anun, sa, dua anih anun lĕ sang yuă amŭ, pik hiam ƀô̆ mơta, sang mơñum ƀonghăng hơdôm anih bơrơguăt drơi jăn dưi pok glăi dong mơng 2 mông tlam lơ 27/5. Lơ̆m anun, ƀar, karaoke, sang adôh suang, ngui măi komputơr, sang čơ̆ sĭ mơmŏt mlăm, massage, sang dah phĭm, hơdôm jơlan hơdră adôh suang hăng ngui ngor pơƀut lu mơnuih ƀơi tơdrŏn lak, dơnao ia, đang bơnga, hơdôm tal pơplông bơrơguăt drơi jăn ăt dŏ kŏm truh hrơi hơmâo tơlơi lăi pơthâo phrâo dong. Ră anai Lâm Đồng glăk pơčlah 209 čo mơnuih glăi mơng kual hơmâo klin, amăng anun hơmâo 10 čô pơčlah pơ sang ia jrao, 127 čô pơčlah pơƀut hăng 72 čô pơčlah pơ sang. Mơguah lơ 27/5, hơmâo dong 52 čô mơnuih pơčrang lăng huăi ƀă klin Covid-19.

Siu Đoan: Pơblang