VOV4.Jarai - Jơnum min mơnuih ƀon sang tơring čar Lâm Đồng pơtrun Akŏ bruă Blan ngă bruă djru ba ƀing čơđai thun 2021 hăng anăn ñu: Gum tơngan pơhlôm ngă tui tơlơi dưi mơng ƀing čơđai, pơgang ba ƀing čơđai amăng tơlơi truh lŏn adai ngă, klin kheng, hrơi pơphun Blan ngă bruă djru ƀing čơđai mơng lơ 1/6 truh 30/6/2021. Tui anun, Jơnum min mơnuih ƀon sang tơring čar git gai hơdôm gơnong bruă, plơi pla ngă bruă  lăp djơ̆, laih dong pôr pơthâo hơdôm tơlơi pơgang ba hăng wai lăng ƀing čơđai lăi hrŏm hăng pơgăn arăng djơ̆ ngă kơ ƀing čơđai, pơgang tơlơi ataih amang, djai ia ƀlung. Pơtrut hyu pơtô pơblang, pôr pơhing, pơtŏp brơi ƀing čơđai thâo pơgang drơi pô, biă ñu pơgang hŭi arăng plư pleč, ngă sat amăng plang internet; pơtô ba kiăng čơđai thâo pơgang tơlơi ataih amang, ƀlung ia, dưi pơgang mă pô amăng bơyan glăk hơmâo klin Covid-19 tui ră anai.

Siu H’Mai: Pơblang