VOV4.Jarai - Tuai ]uă lăng đang hmua jing jơlan hơdră ]uă lăng phrâo mơng Đà Lạt – Lâm Đồng. Tơdơi kơ 5 thun pok pơhai hmâo pơđom pioh klă laih hăng ngă pơhư\] tuai ]ua\ lăng – găn rơgao lăng, djru pơđ^ kyar lăp yap ba biă kơ bruă wai lăng tuai ]uă ngui mơng plơi prong. Khă hnun hai, hơdră anai mơng Lâm Đồng ăt pơdah mơn lu ano# akă gal, kiăng hơdră wai lăng hăng mă bruă ba glăi bôh tơhnal hăng klă hiam hloh. Jơnum min mơnuih [ôn sang tơring ]ar Lâm Đồng ăt hmâo pơdơi jăng jai mơn hră pơsit brơi pioh pơkra glăi, mă yua tơlơi pơkă phrâo hrom hăng hơdôm hơdră bruă djơ\ hloh kiăng mă yua hơdră tuai ]ua\ lăng phrâo anai pơđ^ kyar hloh pơgi kơdih anai.

Hăng sa amăng hơdôm bôh anih anom dưi hmâo tơring ]ar pơsit brơi hră tu\ yap hơdră ngă gru tuai ]uă lăng đang hmua, Đang bôh plôi prong krên mơng ơi Lê Hữu Phan, [ơi phường 9, plơi prong Đà Lạt (Lâm Đồng) jing laih anih nao ngă pơhư\] lu tuai. Wot lom klin Covid-19 ngă dleh tơnap, lu kual tuai ]uă ngui, anih tuai ]ua\ lăng khom pơdơi bruă le\, [ơi anai ăt hmâo lu tuai hyu ]ua\ lăng mơn. Tui hăng ơi Lê Hữu Phan, ano# ngă pơhư\] [ơi hơdôm hơdră tuai ]ua\ lăng đang hmua le\ tuai dưi hyu lăng djop mơta, je# hăng hăng đang hmua:

“Tuai hyu ]ua\ ngui dưi ngă djop bruă pô kiăng ngă, găn rơgao lăng yơh gơ`u hor hloh. Hrom hăng anun, ta hmâo anih lăi pơthâo hơdôm anih anom gơnam tam mơng Lâm Đồng, mơng Đà Lạt, hơdôm gơnam pha ra ha jăn, hơdôm gơnam pô glăk pla amăng đang. Tơlơi anun ngă kơ djop tuai ]ua\ lăng hor biă, lăp djă pioh klă biă”.

Anih anom ]uă lăng đang hmua [ơi Lâm Đồng ngă pơhư\] lu tuai nao ]ua\ lăng

Tui hăng tơlơi lăi pơthâo glăi mơng Gơnong bruă bôh thâo, bơkơja\p drơi jăn hăng tuai ]ua\ ngui Lâm Đồng, mơng thun 2018 truh ră anai, tuai ]uă lăng đang hmua [ơi tơring ]ar hmâo ngă pơhư\] rơbêh kơ 6 klăk wot ]ô tuai, ba glăi abih bang prăk pơhrui glăi giăm truh 250 klai prăk hăng pơsir bruă mă brơi rơbêh kơ 1.000 ]ô mơnuih mă bruă [ơi anai. Khă hnun hai, tui hăng ơi Trần Huy Đường, sa ]ô mơnuih hmâo lu thun găn rơgao amăng pơđ^ kyar bruă đang hmua hăng tuai ]uă ngui [ơi phường 7, plơi prong Đà Lạt, sa dua mơta anih anom do# bơwih [ong tui hơdră khong khot ngă tuai hyu ]ua\ lăng tah hơtai. Kiăng tuai ]ua\ lăng đang hmua pơđ^ kyar kơja\p phik le\ tơring ]ar khom lăng glăi mă yua hơdôm hơdră gum djru pha ra:

“Hơdôm bôh sang ano#, hơdôm Farm anet mơ\ ră anai glăk pơđ^ kyar mă pô le\ tơlơi pơtô ba mơng gơ`u hiưm hơpă. Anai jing mrô lu, tơdah dưi ngă gơ`u ăt mă yua prăk tui jơlan gah dơlăm thơ klă biă. Hăng kâo biă `u đing nao truh Anom mă bruă hrom, khom pơdo\ng hơdôm bôh anom mă bruă hrom hăng hmâo tơlơi pơlir hơbit, bơ\ tơdah [u ngă pha ha jăn rim sang ano# le\ [u dưi pơsir ôh. Tui anun Kơnuk kơna khom hmâo hơdôm hơdră, khom hmâo kah hăng pô gơgrong ba kơ hơdôm mơnuih anai tui hơdră hơpă thơ, anun le\ khom hmâo hơdră bruă gum djru”.

Lâm Đồng glăk gir run pơdo\ng hăng pơđ^ kyar bruă tuai ]ua\ lăng đang hmua

Tơlơi akă gal pơkon mơng tuai ]ua\ lăng đang hmua [ơi Lâm Đồng jing gru nam [u hmâo wai lăng. Tui hăng ơi Sử Thanh Hoài, Khua Jơnum min mơnuih [ôn sang tơring glông Lạc Dương, hơdôm hrơi rơgao hmâo lu khul gru\p, mơnuih pơhư prong hơdră tuh pơplai, samơ\ leng kơ pơdo\ng [u djơ\ phiăn pơkă [ơi lo\n ngă đang hmua. Tơdah [u ta` hmâo jơlan gah pơsir pioh pơkra glăi hăng pơsit jơlan gah sui thun thơ amra do# hmâo dong lu tơlơi akă gal:

“Hmâo lu đơi anih anom anet raih daih, anun [u djop brơi tơlơi kiăng yua. Ră anai pel e\p hơdôm anih anom tuai ]uă lăng đang hmua le\ leng kơ hmâo pơsir abih, yua kơ hmâo pơplih jing bôh than mă yua lo\n, [u dưi pơsit brơi pơdong ôh? Tui hăng kâo gah tơlơi pơmin le\ ]ua\ lăng đang hmua le\ pioh lui yơh mơnuih mơnam mă bruă kah hăng tơđar, samơ\ hlơi kiăng tu\ yap anih anom tuai ]ua\ lăng đang hmua thơ khom ngă hmâo ako# tlôn, tu\ yap anai le\ anih tuai ]ua\ lăng đang hmua hă khom djơ\ hăng hơdôm tơhnal ba tơbiă”.

Ơi Phạm S, Kơ-iăng Khua Jơnum min mơnuih [ôn sang tơring ]ar Lâm Đồng brơi thâo: Tuai ]ua\ lăng đang hmua hmâo ba glăi lu bôh tu\ yua gah bruă bơwih [ong hăng mơnuih mơnam, djru pơđ^ tui nua abih bang mơng hơdôm gơnong bruă đang hmua hăng tuai ]ua\ ngui. Lu hơdră [ơi tơring ]ar brơi [uh, nua mơng 1 ektar đang hmua pơke\ hăng bruă tuai ]ua\ lăng, hmâo laih prăk pơhrui glăi đ^ truh 5 klai prăk sa ektar, sa thun, lu hloh 2,5 bơhmu hăng ngă sa đang hmua. Tơring ]ar glăk jăng jai pơdơi pơsit hră brơi tuai ]ua\ lăng đang hmua le\ kiăng kơsem min, mă yua tơlơi pơkă phrâo, hăng bôh tơhnal ba tơbiă le\ ba tuai ]uă lăng đang hmua mơng tơring ]ar “djơ\ truh rơnoh lo\n ia hăng jar kơmar”:

“Tuai ]ua\ lăng đang hmua le\ ano# gal mơng tơring ]ar Lâm Đồng, hăng ră anai tơring ]ar Lâm Đồng glăk mă yua tơlơi phiăn kiăng pơđ^ kyar tuai ]ua\ lăng đang hmua amăng hơdôm hrơi pơ\ anăp klă hloh, pơhlôm djơ\ hăng tơhnal lo\n ia hăng jar kơmar, mă yua ano# gal hăng ano# kơtang mơng gơnong bruă tuai ]ua\ lăng mơng Lâm Đồng. Tơring ]ar ăt amra pel e\p lăng mơn kiăng mă hră hơduah tơ`a lăng, gum pơhiăp kơ bruă ngă giong djơ\ phiăn, kơja\p bruă pioh ngă tui. }ang rơmang pơđ^ tui ano# klă bơwih brơi kơ tuai, kiăng tuai djơ\ pran hloh, [u brok kap le\ khom pơhlôm anih anom mă yua klă hloh”.

Khă glăk pơphun hmâo lu tơlơi gun, samơ\ hăng tơlơi lăng yôm hăng ]ang rơmang prong prin kơ hơdră tuai ]ua\ ngui phrâo anai mơng gong gai, sit `u hơdôm tơlơi akă gal anun amra dưi pơsir, djru ngă brơi bruă tuai ]ua\ ngui – gơnong bruă bơwih [ong ba jơlan hlâo mơng Đà Lạt – Lâm Đồng pơđ^ kyar kơja\p hloh dong pơ\ anăp anai./.

Quang Sáng: Pô ]ih – Siu H’ Prăk: Pô pơblang