VOV4.Jarai - Anăp nao tal hơdor glăi 90 thun hrơi akŏ pơjing Khul hlăk ai rơnuk Hồ Chí Minh, mơguah lơ 18/3, Anom bruă kơđi čar Ling tơhan dêh čar Việt Nam pơphun mông ngă lơphet pioh hơdor lăng nao rai amăng tivi ƀrô hrơi akŏ pơjing khul hlăk ai rơnuk Hồ Chí Minh, pơpŭ ƀing apăn bruă thâo rơgơi rơwang thun 2016-2020 kah hăng ƀing hlăk ai ba gru amăng khul ling tơhan thun 2020.

Tŭ yap hơdôm tơlơi gum pơgôp prong prin mơng ƀing apăn bruă lơ̆m djru bruă brơi ƀing hlăk ai amăng thun blan laih rơgao, amăng mông ngă lơphet, Anom bruă kơđi čar ƀơk hră pơpŭ brơi 90 čô mơnuih apăn bruă, ƀing djru brơi bruă hlăk ai hơmâo lu bruă mă truh kih amăng rơwang thun 2016-2020  amăng khul ling tơhan laih dong jao hră pơpŭ brơi 18 čô hlăk ai gir kơtir amăng thun 2020. Hlâo anun, Khua ding jum ling tơhan hơmâo jao hră pơpŭ brơi 10 čô hlăk ai ba gru amăng khul ling tơhan.

Siu Đoan: Pơblang