VOV4.Jarai - Čơtlăm lơ 25/3, ƀơi mông Jơnum gum pơhiăp bruă ngă tui tơlơi pơtrun pơsit Jơnum Ping gah đơ đam dêh čar tal 13 kơ bruă pơtô ba mơnuih ƀôn sang, ƀing khua pơ ala rơkâo đĭ kiăng kơtưn pơplih mrô amăng bruă pơtô ba mơnuih ƀôn sang. Sa amăng hơdôm tơhnal pơkă mơng Jơlan hơdră ngă bruă pơtô ba mơnuih ƀôn sang pơ̆ anăp anai lĕ đing nao lăi pơthâo, lăi pơhing Tơlơi pơtrun pơsit Jơnum tal 13 mơng Ping gah kơ ngă tui pran kơtang mut hrom abih bang djuai ania, tơpă amăng mơnuih mơnam hăng tơlơi dưi mơng mơnuih ƀôn sang. Bôh than phun lĕ ngă tui djơ̆, ba glăi bôh tơhnal tơpă ƀơi anăp, tơpă pơ ala, biă ñu lĕ tơlơi tơpă ƀơi anom mă bruă. Amăng mông jơnum, ƀing khua pơ ala lăi lĕ, ƀirô, khul grŭp amăng glông bruă kơđi čar khom ngă gal brơi kơ mơnuih ƀôn sang gum hrom prong lom pơsit hơdră bruă, kơtưn bruă lăng tui đut hlah bruă ngă tui hơdôm hơdră bruă, tơlơi phiăn hăng pơsir tơlơi rơkâo đĭ mơng mơnuih ƀôn sang./.

Siu H’ Prăk: Pô pơblang